قىتايدا تۇراتىن شەتەل ازاماتتارىنىڭ سانى 85 پايىزعا دەيىن قالپىنا كەلدى
بەيجىڭ. KAZINFORM - قىتايدا تۇراتىن شەتەل ازاماتتارىنىڭ سانى 2019 -جىلعى دەڭگەيدىڭ 85 پايىزىنا دەيىن قالپىنا كەلدى. بۇل تۋرالى قىتاي حالىق رەسپۋبليكاسىنىڭ كوشى-قون ىستەرى جونىندەگى مەملەكەتتىك باسقارماسى ءمالىم ەتتى.
قىتايدا تۇراتىن شەتەل ازاماتتارىنىڭ سانى 2019 -جىلعى دەڭگەيدىڭ 85 پايىزىنا دەيىن قالپىنا كەلدى. وتكەن جىلى شەتەلدىكتەردىڭ ەلدە تۇرۋىنا 711 مىڭ رۇقسات بەرىلگەن.
ۆەدومستۆونىڭ مالىمەتىنشە، الداعى ۋاقىتتا شەتەلدىكتەردىڭ قىتايعا كىرۋىن جەڭىلدەتۋ شاراسىنا بايلانىستى سىرتقى كوشى-قون اعىنى ارتادى.
2023 -جىلى بارلىعى 35,5 ميلليون شەتەلدىك ەلگە ساياحات جاسادى، بۇل 2019 -جىلعى دەڭگەيدىڭ %36 قۇرايدى.
2023 -جىلى شەتەلدىكتەرگە شامامەن 1,7 ميلليون ۆيزا بەرىلدى، بۇل وتكەن جىلمەن سالىستىرعاندا 158,3 پايىزعا ءوستى.
زاڭسىز كەلۋگە، زاڭسىز تۇرۋعا جانە زاڭسىز جۇمىسقا ورنالاسۋعا قاتىسى بار شەتەلدىكتەر تەكسەرىلىپ، زاڭ بۇزۋشىلار زاڭعا سايكەس جازالاندى. ونىڭ ىشىندە 26 مىڭ ادام جەر اۋدارىلدى.
2024 -جىلدىڭ قاڭتارىندا قىتايدىڭ مەملەكەتتىك كوشى-قون باسقارماسى شەتەلدىكتەردىڭ ءبىرقاتار ساناتى ءۇشىن ەلگە كىرۋدى جەڭىلدەتۋ بويىنشا جاڭا شارالار جاريالادى.
اۆتور
زارينا تۋعانبايەۆا
