قىتايدا قويلار كلوندالدى

استانا. قازاقپارات- قىتاي قويدى كلوندادى. تاجىريبە ەمبريونالدى ينجەنەريا تەحنولوگياسى ارقىلى جاسالعان. عالىمدار بۇل ءتاسىلدى اسىل تۇقىمدى شوپان اتا تۇقىمىنا قولداندى.

ولار عىلىمي جولمەن ۇساق مالدىڭ گەنەتيكاسىن بۇزباي كوبەيتۋدى كوزدەپ وتىر. بىرەگەي تاجىريبە قىتايدىڭ شينحاي پروۆينيتسياسىندا جۇرگىزىلدى. عالىمدار دونور رەتىندە تيبەتتىڭ اسىل تۇقىمدى قويلارىن تاڭداعان. كلونداۋ ءساتتى جۇرگىزىلىپ، 2 قوزى الىندى. جوبانى جۇزەگە اسىرۋعا 3 قوشقار جانە 1 ساۋلىقتىڭ جاسۋشاسى پايدالانىلدى.

سۋ جياڭمين، كلونداۋ باعدارلاماسىنىڭ عىلىمي جەتەكشىسى:

- اۋىل جانە ورمان شارۋاشىلىعى سولتۇستىك-باتىس ۋنيۆەرسيتەتىنىڭ زەرتتەۋشىلەر توبى ۇزاق ۋاقىت ەڭبەكتەندى. كلوندالعان قوزىلاردىڭ العاشقىسىنىڭ سالماعى - 3,4 كەلى. دەنە تۇرقى دۇرىس، اعزاسى تازا.

بۇل جوبانىڭ اۋىل شارۋاشىلىعى ءۇشىن ماڭىزى زور. زەرتتەۋ قىتايدىڭ كلونداۋ باعدارلاماسى اياسىندا جاسالدى. جوبا تيبەت قويلارىنىڭ سۋىققا توزىمدىلىگىن ساقتاپ، مال باسىن كوبەيتۋگە باعىتتالعان. ەندى عالىمدار وسى تاجىريبەنى جابايى قوداسقا جاساپ كورۋدى كوزدەپ وتىر.

سۋ جيانمين، كلونداۋ باعدارلاماسىنىڭ عىلىمي جەتەكشىسى:

- كلونداۋ ارقىلى كەز كەلگەن جانۋاردىڭ گەنەتيكاسىن تىكەلەي كوشىرۋگە بولادى. جويىلىپ كەتۋ ءقاۋپى بار اڭدار مەن اسىل تۇقىمدى مال باسىن ارتتىرا الامىز. وعان عىلىمي- تەحنولوگيالىق الەۋەتىمىز جەتكىلىكتى. ساراپشىلار تىڭ جاڭالىق اۋىل شارۋاشىلىعى سالاسىنا ۇلكەن سەرپىلىس اكەلەتىنىنە سەنىمدى. فەرمەرلەردىڭ تابىسىن بىرنەشە ارتتىرۋعا بولادى. ەڭ باستىسى، مۇنداي ءادىس اسىل تۇقىمدى مال شارۋاشىلىعىن وندىرىستىك كولەمدە ۇلعايتۋعا مۇمكىندىك بەرەدى، - دەيدى.

اۆتورى: رۋسلان باقىتبەك ۇلى.

www.24.kz