20:09, 30 - جەلتوقسان 2024 | GMT +5
قىتايدا جوعارى جىلدامدىقتى پويىز تانىستىرىلدى
استانا. قازاقپارات - قىتاي الەمدە ەڭ جىلدام جۇرەتىن پويىز جاساپ شىعاردى. ول ساعاتىنا 450 شاقىرىمعا دەيىن جۇيتكي الادى. يننوۆاتسيالىق جوبا بەيجىڭدە تانىستىرىلدى.
مامانداردىڭ ايتۋىنشا جوعارى جىلدامدىقتى پويىز بۇعان دەيىنگى ۇلگىلەرىنەن الدەقايدا ءتيىمدى. ونىمدىلىگى جوعارى، ۇنەمدى ءارى قولايلى. ەڭ باستىسى تەجەگىش جۇيەسى مەن باسقارىلۋى قاۋىپسىز. سونىمەن قاتار ينتەللەكتۋالدى جۇيەسى مەن جولاۋشىلارعا جايلىلىعىمەن ەرەكشەلەنەدى.
كورشى مەملەكەت تەمىرجول كولىگىنىڭ بۇل ءتۇرىن 2008 -جىلدان بەرى كەزەڭ-كەزەڭىمەن دامىتىپ كەلەدى. بۇگىندە قىتاي دۇنيەجۇزى بويىنشا جوعارى جىلدامدىقتى پويىزدار جۇرەتىن جولداردىڭ كولەمى جاعىنان ءبىرىنشى ورىندا تۇر. قازىر ونىڭ جالپى ۇزىندىعى 46 مىڭ شاقىرىمنان اسادى. بۇل الەمدەگى تەمىرجولداردىڭ 70 پايىزى.
