قىتايدا بەنزين قىمباتتادى

استانا. قازاقپارات - قىتايدا جاڭا جىلدان باستاپ بەنزين قىمباتتادى. قازىر ا ي 92 ماركالى جانارمايدىڭ ليترى 8 يۋانعا جۋىقتايدى. ءبىزدىڭ اقشاعا شاققاندا شامامەن 600 تەڭگە.

Продажу бензина АИ-80 планируют ограничить в Узбекистане до конца 2025 года
Фото: pixabay.com

بەنزيننىڭ قىمباتتاۋىنا اسەر ەتكەن فاكتور كوپ. قىتاي - الەمدىك دەڭگەيدەگى ءىرى مۇناي تۇتىنۋشى ەل. حالىقارالىق نارىقتا مۇناي باعاسىنىڭ قۇبىلۋى تىكەلەي سەبەپ بولىپ وتىر. ونىڭ ۇستىنە الىپ تەرريتورياسى مەن گەوگرافيالىق ورنالاسۋى كۇردەلى مەملەكەت. سوندىقتان لوگيستيكا جانە كولىك شىعىندارىن قوسۋعا بولادى. ءار پروۆينتسيا مەن اۋدانداردا سالىق ساياساتى ءارتۇرلى. بۇل دا اسەر ەتتى. سونىمەن قاتار حالىق تىعىز ورنالاسقان شاھارلاردا دا بەنزين قۇنى قىمبات.

ءدال قازىرگى ۋاقىتتا بەنزين باعاسى ەلدىڭ ءار ايماعىندا ءارتۇرلى. ماسەلەن، حاينان مەن تيبەت جاقتا جانارماي تەڭىز جولدارىمەن تاسمالدانادى. سوندىقتان باعا، سايكەسىنشە، قىمبات. تۇسىنىكتى بولۋ ءۇشىن باعانى تەڭگەمەن ەسەپتەپ ايتىپ شىعايىن. حايناندا ا ي 92 ماركالى بەنزيننىڭ ليترى 666 تەڭگە، شىنجاڭدا 569، شاڭحايدا باعا 617 تەڭگە. ال بەيجىڭدە ا ي 92-ءنىڭ باعاسى 582 تەڭگەدەن ساتىلىپ جاتىر.

ايتا كەتۋ كەرەك، كەيىنگى 20 جىلدا قىتايدا بەنزين باعاسى %200-كە دەيىن قىمباتتاعان. مىسالى، 2004-جىلدارى بەنزين باعاسى ليترىنە 2,9 يۋان بولعان. ول ۋاقىتتا قىتايدىڭ اۆتونارىعى بۇگىنگىدەي دامىماعان كەزەڭ. تەمىر تۇلپار سانى جان باسىنا شاققاندا الدەقايدا تومەن ەدى. ونىڭ ۇستىنە ەل ۇكىمەتى جانارماي باعاسىن قاتاڭ باقىلاۋعا الدى. وسى سياقتى شارالاردان كەيىن باعا ايتارلىقتاي قۇبىلعان جوق.

تەك 2015 -جىلدان باستاپ باعا وسە باستادى. ول ەل ەكونوميكاسىنا ايتارلىقتاي اسەر ەتتى. سالىقتان تۇسەتىن قارجات ارتتى. شيكىزات جانە تاسىمال باعاسى قىمباتتادى. تۇتىنۋشىلاردىڭ جانارماي شىعىنى كوبەيدى. تۇپتەپ كەلگەندە، بۇل حالىقتى گيبريدتى قوزعالتقىشتى جانە توقپەن جۇرەتىن كولىك مىنۋگە يتەرمەلەدى. وسىنىڭ ارقاسىندا جاڭارتىلعان ەنەرگيا كوزىمەن جۇرەتىن تەحنيكا نارىعى دامي باستادى.

رەسمي ستاتيستيكاعا ساي وتكەن جىلى بۇل ەلدە 158 ميلليون توننا بەنزين تۇتىنىلعان. بۇل الدىڭعى جىلمەن سالىستىرعاندا %3,1- كە تومەن. ول ەلەكترلى كولىكتەردىڭ ارتۋىمەن بايلانىستى. دەسە دە قىتايدا بەنزيننىڭ %94- ءىن اۆتوكولىكتەر، قالعانىن موتوسيكل يەلەرى پايدالانادى.

قوعامدىق قاۋىپسىزدىك مينيسترلىگىنىڭ 2024 -جىلعى ستاتيستيكالىق مالىمەتىنە سايكەس قىتايداعى كولىك سانى 500 ميلليونعا جۋىقتايدى. ونىڭ 345 ميلليونى بەنزينمەن جۇرەتىن اۆتوكولىكتەر.

بەنزينگە سۇرانىس 2026 -جىلى ارتا تۇسەدى. ءبىراق 2045 -جىلعا قاراي ەكى ەسە قۇلدىرايدى دەگەن بولجام بار. بۇعان ەلەكترلى كولىكتەردىڭ ارتۋ تۇرتكى بولادى. 2050-جىلعا قاراي قىتايدا جانارماي قۇيۋ بەكەتتەرى 37 مىڭعا دەيىن قىسقارادى. قازىر ەل ۇكىمەتى مۇناي ونىمدەرىن ساتۋمەن اينالىساتىن كاسىپورىنداردىڭ جۇمىسىن كەشەندى ەنەرگيالىق ستانسياعا ترانفورماتسيالاۋعا باعىتتاپ وتىر. ويتكەنى 2030-جىلعا قاراي ەلەكتر قۋاتىمەن جۇرەتىن كولىكتەردىڭ ۇلەسى %50- كە جەتەدى. ءسويتىپ، 2045 -جىلعا قاراي جانارمايمەن جۇرەتىن كولىكتەردىڭ ورنىن باسادى. ال 2060 -جىلعا قاراي بەنزينمەن جۇرەتىن كولىكتەر مۇلدەم قولدانىستان الىنۋى مۇمكىن.

سوڭعى جاڭالىقتار