12:03, 24 - ءساۋىر 2024 | GMT +6
قىتايدا الماداي بۇرشاق جاۋدى
استانا. قازاقپارات - قىتايدا المانىڭ ۇلكەندىگىندەي بۇرشاق جاۋدى. جۇزدەگەن ءۇي، كولىكتەر مەن ەگىنگە وراسان زاقىم كەلگەن. وقيعا حۋانجياڭ ماۋنان اۆتونوميالى اۋدانىندا بولدى.
توپەلەپ جاۋعان جاۋىننىڭ ارتى بۇرشاققا اينالدى. جۇدىرىقتاي تۇيىرشىك مۇزدار ۇيلەردىڭ شاتىرىن شۇرىق تەسىك ەتىپ، جۇزدەگەن كولىكتەردىڭ تەرەزەسى قيرادى. جۇرت قىرۋار شىعىنعا باتتى. جاۋىن بىرنەشە كۇننەن بەرى جاۋىپ تۇر. توقتايتىن ءتۇرى جوق. ماماندار بۇلاي جالعاسا بەرسە سۋ تاسقىنى بولادى دەپ وتىر. مەتەورولوگيالىق قىزمەت اپاتتىڭ الدىن الۋ ءۇشىن بۇلتتاردى جاساندى ىدىراتۋ شارالارىن جۇرگىزىپ جاتىر.
