قىتايدا 1 ميلليون توننا قورى بار ازياداعى ەڭ ءىرى ليتي كەن ورنى اشىلدى
قىتايدىڭ وڭتۇستىك-باتىسىنداعى سىچۋان پروۆينتسياسىندا 1 ميلليون توننا كەن قورى بار ازياداعى ەڭ ءىرى ليتي كەن ورنى اشىلدى.
بۇل تۋرالى شينحۋا اگەنتتىگى قىتاي حالىق رەسپۋبليكاسىنىڭ تابيعي رەسۋرستار مينيسترلىگىنە سىلتەمە جاساپ حابارلادى، دەپ حابارلايدى Kazinform ءتىلشىسى.
«بۇل ازياداعى پەگماتيت ءتيپتى ليتي رۋداسىنىڭ مونومينەرالدى فراكسيالارىنىڭ ەڭ ءىرى كەن ورنى»، - دەلىنگەن مينيسترلىك حابارلاماسىندا.
ءتيىستى ۆەدومستۆو ليتي رۋداسىن جەتكىزۋدى ۇلعايتىپ، مەتالدى ءوندىرۋ نارىعىن دامىتۋدى كوزدەپ وتىر.
ليتي «XXI عاسىردىڭ جاڭا ەنەرگەتيكالىق مەتالى» رەتىندە ەلەكتر كولىكتەرىن، ليتي- يوندى اككۋمۋلياتورلاردى جانە كۇن باتارەيالارىن ءوندىرۋ ءۇشىن ماڭىزدى ماتەريال سانالادى.
قىتايدان باسقا ليتي كەنىنىڭ ايتارلىقتاي قورى ارگەنتينا، بوليۆيا، چيلي، اۋستراليا جانە ا ق ش- تا تابىلدى.
اۆتور
ەركەجان سماعۇلوۆا
