قىتايدا ەڭ ۇزىن اينالما مەترو جەلىسى اشىلدى
استانا. KAZINFORM - ۋحان مەترو پوليتەنىنىڭ 12- جەلىسى اشىلدى، ول قىتايداعى ەڭ ۇزىن اينالما مەترو جەلىسى، دەپ حابارلايدى Kazinform اگەنتتىگىنىڭ بەيجىڭدەگى مەنشىكتى ءتىلشىسى Xinhua اگەنتتىگىنە سىلتەمە جاساپ.
اينالما مەترو جەلىسىنىڭ ۇزىندىعى 59,9 شاقىرىم. ول ۋحانداعى جەتى اۋداننىڭ ستانسالارىنان وتەدى جانە 18 قولدانىستاعى جانە جوسپارلانعان جەلىلەرمەن بايلانىسادى. پويىز جەلىدەن شامامەن 96 مينۋتتا ءجۇرىپ وتەدى.
جاڭا جەلىنىڭ اشىلۋىمەن ۋحان مەتروپوليتەنىنىڭ جالپى ۇزىندىعى 581 شاقىرىمنان استى، بۇل بەرليننەن ميۋنحەنگە نەمەسە ريمنەن ميلانعا دەيىنگى اۆتوموبيل جولىنىڭ ۇزىندىعىمەن پارا-پار كەلەدى.
باعىت چاڭ جياڭ وزەنىنىڭ استىنان ەكى رەت، ال حان جياڭ وزەنىنىڭ استىنان ءبىر رەت وتەدى. شامامەن 4 شاقىرىمدىق سۋ استى تۋننەلدەرىنىڭ ءبىرى چاڭ جياڭ وزەنىنىڭ استىنان 71,4 مەتر تەرەڭدىكتەن وتەدى.
