قىتايدا بالا سانى ازايىپ، ءبىلىم بەرۋ وشاقتارى بوس قالىپ جاتىر
استانا. قازاقپارات - جالپى كوپ ەلدە قارتتار كوبەيىپ، بالالار ازايعان. قىتايدىڭ وزىندە بالاباقشا مەن مەكتەپتەگى بالا سانى 17 ميلليونعا كەمىگەن. بۇل 2021-2025- جىلدار ارالىعىنداعى احۋال، دەپ حابارلايدى 24KZ.
وسىنىڭ سالدارىنان ءبىلىم بەرۋ وشاقتارى بوس قالىپ جاتىر. بيلىك ماسەلەنى شەشۋ ءۇشىن سىنىپتاردى بىرىكتىرىپ، عيماراتتاردى باسقا ماقساتقا پايدالانۋعا نيەتتى. سونداي-اق بۇدان بىلاي قالالىق مەملەكەتتىك مەكتەپتەر ميگرانت بالالارىن دا قابىلداماق ويدا.
قىتاي ءبىلىم مينيسترلىگىنىڭ دەرەگى بويىنشا بىلتىر ورتا مەكتەپتە 189 ميلليون بالا وقىعان. ال بۇل ەلدە 65- ءتى القىمداعانداردىڭ قاتارى 223 ميلليوننان اسقان. سوندىقتان بەيجىڭ ءبىلىم بەرۋ جۇيەسىن عانا ەمەس، تۇتاس الەۋمەتتىك ساياساتىن قايتا قاراۋعا كىرىسىپ جاتىر.
