قىتايدان استاناعا ۇشقان ۇشاق 27 ساعاتقا كەشىكتى: ۇشاقتا قانداي اقاۋ بولعانى بەلگىلى بولدى
استانا. KAZINFORM - سانيا-استانا باعىتىنداعى KC584 چارتەرلىك رەيسى تەحنيكالىق اقاۋعا بايلانىستى 27 ساعاتقا كەشىكتى. اۋە كومپانياسى اقاۋلى بولشەك اۋىستىرىلعانىن جانە جولاۋشىلارعا قوناق ءۇي مەن تاماق ۇسىنىلعانىن حابارلادى.
بەلگىلى بولعانداي 4-قاراشاعا جوسپارلانعان سانيا-استانا باعىتى بويىنشا KC584 چارتەرلىك رەيسى تەحنيكالىق اقاۋلىققا (جاسىل گيدراۆليكالىق جۇيەدەگى تومەن قىسىم) بايلانىستى 5 -قاراشاعا جىلجىتىلعان. اقاۋلى بولشەك اۋىستىرىلدى. جولاۋشىلارعا ترانسفەر، تاماق جانە قوناق ءۇي ۇسىنىلعان.
اۋە كەمەسى سانيا اۋەجايىنان جەرگىلىكتى ۋاقىت بويىنشا 5 -قاراشادا 10.07-دە ۇشىپ شىعىپ، استاناعا 14.45-تە كەلىپ قونۋى ءتيىس. ۇشاق 27 ساعات كەشىگىپ ۇشقان.
اۋە كومپانياسى كەلتىرىلگەن قولايسىزدىقتار ءۇشىن كەشىرىم سۇرايتىنىن حابارلادى.
سانيا (Sanya) - قىتاي حالىق رەسپۋبليكاسىنىڭ ەڭ وڭتۇستىگىندە، تروپيكالىق حاينان ارالىندا ورنالاسقان. ءوزىنىڭ جىلى كليماتى، ادەمى جاعاجايلارى مەن كۋرورتتارى ارقاسىندا بۇل قالا «شىعىس گاۆايى» دەگەن لاقاپ اتپەن تانىمال جانە تۋريستەر ەڭ كوپ باراتىن دەمالىس ورىندارىنىڭ ءبىرى بولىپ تابىلادى.
