قىتايدان 20 جۇك اۆتوكولىگىن زاڭسىز كىرگىزگەن ءۇش ادام سوتتالدى
استانا. KAZINFORM - استانادا قىتايدان 20 FAW جۇك اۆتوكولىگىن زاڭسىز اكەلۋ سحەماسىنا قاتىسقان ءۇش ادامعا قاتىستى ايىپتاۋ ۇكىمى شىقتى.
تەحنيكانىڭ ءىس جۇزىندە «ەۆرو-2» ەكولوگيالىق كلاسىنا ساي ەكەنى، ءبىراق كەدەندىك راسىمدەۋ كەزىندە جالعان مالىمەتتەرى بار قۇجاتتاردى پايدالانۋ ارقىلى «ەۆرو-5» تالاپتارىنا سايكەس رەتىندە ۇسىنىلعانى انىقتالدى.
2023 -جىلدىڭ اقپان-مامىر ارالىعىندا «نۇر جولى» جانە «باقتى» كەدەن بەكەتتەرى ارقىلى قازاقستانعا 20 جۇك كولىگى زاڭسىز كىرگىزىلگەن. ولاردىڭ كەدەندىك قۇنى 285 ميلليون تەڭگە.
كەيىننەن بۇل تەحنيكا كوممەرتسيالىق قۇرىلىمدار ارقىلى وتكىزىلىپ، مەملەكەتتىك ساتىپ الۋ اياسىندا «قاجسەرۆيس» ج ش س- نە جالپى سوماسى 605 ميلليون تەڭگەگە جەتكىزىلگەن.
سوت ءۇش ايىپتالۋشىنى الدىن الا كەلىسىپ جاساعان اسا ءىرى مولشەردەگى ەكونوميكالىق كونتراباندا ءۇشىن كىنالى دەپ تاپتى.
بۇدان بولەك، سوتتالعانداردان مەملەكەت كىرىسىنە كونتراباندا زاتىنىڭ قۇنى — 285 ميلليون تەڭگە ورتاقتاسىپ ءوندىرىلدى.
ۇكىم زاڭدى كۇشىنە ەنگەن جوق.
