قىتاي- ەۋروپا پويىزدارى ارقىلى 520 ميلليارد دوللارلىق جۇك تاسىمالداندى
استانا. KAZINFORM - قىتاي-ەۋروپا جۇك پويىزدارىنىڭ جالپى سانى 130 مىڭنان استى، دەپ حابارلايدى سينحۋا.
سەنبى كۇنى قىتايدىڭ ورتالىق بولىگىندەگى حەنان پروۆينتسياسىنىڭ جىڭجوۋ قالاسىنان گەرمانيانىڭ گامبۋرگ قالاسىنا جۇك پويىزى جونەلتىلدى.
وسىلايشا، قىتاي- ەۋروپا حالىقارالىق تەمىرجول جۇك تاسىمالى باعىتتارى ىسكە قوسىلعان ساتتەن بەرى اتالعان قىزمەت اياسىندا جونەلتىلگەن پويىزداردىڭ جالپى سانى 130 مىڭنان استى.
سونىمەن قاتار، وسى پويىزدار ارقىلى تاسىمالدانعان جۇكتىڭ جالپى قۇنى 520 ميلليارد ا ق ش دوللارىنان كوپ بولدى.
قازىرگى ۋاقىتتا قىتايدا قىتاي- ەۋروپا جۇك پويىزدارى قىزمەتى اشىلعان قالالار سانى 129-عا جەتتى.
بۇل باعىتتار قىتايدى ەۋروپانىڭ 26 ەلىندەگى 235 قالا جانە ازيانىڭ 11 ەلىندەگى 100-دەن استام قالامەن بايلانىستىرادى.
وسىلايشا، ترانسشەكارالىق جۇك تاسىمالىنىڭ بۇل ءتۇرى ازيا مەن ەۋروپانىڭ دەرلىك بارلىق اۋماعىن قامتىپ وتىر.
بۇعان دەيىن حابارلانعانداي، بەيجىڭ ۆاشينگتوننىڭ قىتاي مۇناي كومپانيالارىنا سالعان سانكسياسىنا قارسى شىقتى.
