قىتاي نورۆەگيا ءۇشىن ۆيزاسىز رەجيم ەنگىزەدى

استانا. KAZINFORM - قىتاي بيلىگى نورۆەگياعا ۆيزاسىز رەجيم ەنگىزبەك. بۇل تۋرالى نورۆەگيا ۇكىمەتىنىڭ سايتىندا ايتىلعان.

بەيجىڭدەگى قىتاي-نورۆەگيا كەلىسسوزدەرىندە قىتاي ءتوراعاسى شي جينپيڭ نورۆەگيالىقتارعا قىتايعا 15 كۇنگە دەيىن كىرۋ ءۇشىن ەندى ۆيزا الۋدىڭ قاجەتى بولمايتىنىن مالىمدەدى.

«بۇل نورۆەگيالىق بيزنەس، ستۋدەنتتەر جانە باسقا تۇلعالاردىڭ قىتايعا بارۋىن ايتارلىقتاي جەڭىلدەتەدى. بۇل سونداي-اق ودان ءارى ىنتىماقتاستىقتىڭ نەگىزىن قالايدى»، - دەپ كەلتىردى ۇكىمەت سايتى نورۆەگيانىڭ پرەمەر- ءمينيسترى يوناس گار ستەرەنىڭ ءسوزىن.

ەسكە سالا كەتسەك، بيىل ناۋرىز ايىنان باستاپ قىتاي شۆەيساريا، يرلانديا، ۆەنگريا، اۋستريا، بەلگيا جانە ليۋكسەمبۋرگكە ۆيزاسىز رەجيمدى سىناقتان وتكىزگەن بولاتىن. بۇعان دەيىن قىتاي بيلىگى 2023 -جىلدىڭ جەلتوقسان ايىنان باستاپ ە و- عا مۇشە بەس مەملەكەت: يسپانيا، يتاليا، نيدەرلاند، فرانسيا جانە گەرمانيا ازاماتتارى ءۇشىن ءبىرجاقتى ۆيزاسىز رەجيم ەنگىزگەن بولاتىن.

بۇعان دەيىن قىتاي شەتەلدىكتەرگە گونكونگ پەن ماكاو ارقىلى تۋريستىك توپتاردىڭ قۇرامىندا حاينان پروۆينتسياسىنا 144 ساعاتتىق ۆيزاسىز رەجيممەن كىرۋگە رۇقسات بەرگەنى تۋرالى حابارلاعان بولاتىنبىز.

سونداي-اق قىتايدىڭ العاشقى ەلەكتروندى ۆيزاسى شاڭحايدا شىعارىلعان.

اۆتور

ەركەجان سماعۇلوۆا