قىتاي جەتىمدەرىن شەتەلدىكتەرگە بەرمەيدى

استانا. قازاقپارات - الەمدە دەموگرافيالىق جاعداي وزگەرىپ جاتىر. رەسەي ماماندارى حالىق سانى ەداۋىر ازايدى جانە بۇل ءۇردىس جالعاسا بەرەدى دەپ دابىل قاقتى. تاعى ءبىر كورشىمىز - قىتاي دا حالىق سانىنىڭ ازايعانىنا الاڭداپ، زاڭدارىن وزگەرتۋگە كىرىستى.

ساراپشىلار الەمدە مۇسىلمان ەلدەردىڭ حالقى جىلدام ءوسىپ جاتقانىن العا تارتادى.

قىتاي جەتىمدەرىن شەتەلدىكتەرگە بەرمەيدى

قىتاي بۇدان بىلاي جەتىمدەرىن شەتەلدىكتەرگە بەرمەيدى. بۇل ەلدە بالانى سىرتقا شىعارۋعا بولاتىن زاڭ 1992 -جىلى قابىلدانعان ەدى. سودان بەرى 160 مىڭنان استام قىتاي ءسابيى شەتەل اسقان. ولاردىڭ جارتىسىنان استامى - ا ق ش-تا. كوبى قىزدار دەيدى قىتايداعى بالالار جونىندەگى حالىقارالىق ۇيىمنىڭ وكىلدەرى.

قىتاي حالىق سانىن قىسقارتۋ ءۇشىن 1979 بەن 2015 -جىلدار ارالىعىندا «ءبىر وتباسى - ءبىر بالا» دەگەن قاتاڭ ساياسات جۇرگىزدى. وسى كەزەڭدە ۇلداردىڭ سانى كوبەيىپ، قىزداردى باسقانىڭ باۋىرىنا سالۋ بەلەڭ الدى.

ۋاڭ ۋەنبين ماو نيڭ، قىتاي سىرتقى ىستەر مينيسترلىگىنىڭ رەسمي وكىلى:

- قىتاي ۇكىمەتى شەتەلدىكتەردىڭ بالا اسىراپ الۋىنا قاتىستى ساياساتىن وزگەرتتى. ەندى ءبىز سىرت ەلگە بالا بەرمەيمىز. بۇل حالىقارالىق كونۆەنسيالاردىڭ تالابىنا سايكەس كەلەدى.

رەسەي حالقى 6 ميلليونعا ازايادى

بيىل رەسەي حالقىنىڭ سانى 505 مىڭ تۇرعىنعا ازايادى. كورشى ەلگە سىرتتان بارۋشىلار سانى دا كەمىپ بارادى. بىلتىرعى ميگرانتتار سانى 60 مىڭ ادام. بۇل تۋرالى بەلگىلى دەموگراف الەكسەي راكشا مالىمدەدى. ونىڭ ايتۋىنشا، رەسەيدە بالا تۋۋ دەڭگەيى 2016 -جىلدان قۇلدىراي باستاعان. مۇنى ەلدىڭ ستاتيستيكا كوميتەتى رەسمي راستادى. بيىل كەيىنگى 26 جىلدا بولماعان ەڭ تومەنگى كورسەتكىش تىركەلگەن. بۇدان بولەك، العاشقى جارتىجىلدىقتا رەسەيدەن 321 مىڭ ادام شەتەل اسقان. بۇل بىلتىرعى كەزەڭمەن سالىستىرعاندا 49 مىڭ كىسىگە كوپ.

الەكسەي راكشا، دەموگراف:

«الداعى 10 جىلدا رەسەي حالقىنىڭ سانى 6 ميلليونعا ازايادى. بيىل 550 مىڭ ادامعا كەمىمەك. ءارى قاراي بۇل كورسەتكىش ۇلعايا بەرەدى».

مۇسىلمان ەلدەردىڭ حالقى كوبەيىپ كەلەدى

حالىقارالىق پورتال الەمدەگى حالقى ەڭ كوپ 10 ەلدىڭ سالىستىرمالى مالىمەتىن جاريالادى. كەستە 1950، 2020 جانە بولاشاقتاعى 2100 -جىلدارعا ءبولىنىپ كورسەتىلگەن. باستاپقى ۇشتىك ازىرگە وزگەرمەگەن. تەك بىلتىر ءۇندى ەلى ءبىرىنشى ورىنعا شىققان. ءۇندىستان، قىتاي، ا ق ش، يندونەزيا سياقتى 4 ەل وزىق وندىقتان كەيىنگى 74 جىل بويى قالماي كەلە جاتىر.

2020 -جىلى بۇل تىزىمنەن جاپونيا جانە گەرمانيا، ۇلى بريتانيا، يتاليا مۇلدە شىعىپ قالعان دا، ولاردىڭ ورنىن پاكىستان، بانگلادەش، نيگەريا ءتارىزدى مۇسىلمان ەلدەرى باسقان. ال 2100 -جىلعا قاراي ا ق ش كەيىنگە سىرعىپ، رەسەي، برازيليا، مەكسيكا تىزىمنەن شىعىپ قالادى دەگەن بولجام بار. تاعى ءبىر ماڭىزدى مالىمەت، 2050 -جىلعا قاراي الەمدەگى دەموگرافيالىق ءوسىمنىڭ جارتىسى افريكادا ىسكە اسادى. سول كەزدە دۇنيەجۇزىندەگى ەڭبەككە قابىلەتتى ادامنىڭ 25 پايىزى افريكالىق بولادى ەكەن.

24.kz