قىتاي جاپونيادان قاۋىپتەنەدى
استانا. قازاقپارات - قىتاي جاپونيادان قاۋىپتەنىپ وتىر. كورشى ەل رەسمي توكيونى اسكەري قۋاتىن ارتتىرۋعا شامادان تىس باسىمدىق بەردى دەپ ايىپتاپ، قاتاڭ ەسكەرتۋ جاسادى. قىتاي قورعانىس مينيسترلىگىنىڭ رەسمي وكىلى جياڭ بين جاپونيا ايماقتىق بەيبىتشىلىككە قاۋىپ ءتوندىرىپ تۇر دەپ مالىمدەدى.
بۇعان جاپونيانىڭ پرەمەر-ءمينيسترى تاكايچيدىڭ ۆەتنام مەن اۆسترالياعا ساپارى كەزىندە وسى ەلدەردى قاۋىپسىزدىك سالاسىنداعى ىنتىماقتاستىقتى نىعايتۋعا شاقىرىپ، ءۇندى-تىنىق مۇحيتى ايماعىنا قاتىستى جاڭا تۇجىرىمداما ۇسىنۋى تۇرتكى بولعان. كۇنشىعىس ەلىنىڭ مۇنداي ارەكەتى قىتايدىڭ «قىتىعىنا» ءتيىپ وتىر.
جياڭ بين، قىتايدىڭ قورعانىس مينيسترلىگىنىڭ رەسمي وكىلى:
- ءبىز جاپونيا بيلىگىنىڭ «ەركىندىك پەن اشىقتىق، قاۋىپسىزدىك سالاسىنداعى ىنتىماقتاستىق» دەپ سىلتاۋراتىپ قاراما-قايشىلىق تۋدىرىپ، وزگە ەلدەردىڭ ستراتەگيالىق قاۋىپسىزدىگى مەن مۇددەلەرىنە نۇقسات كەلتىرۋگە يتەرمەلەيتىن ارەكەتىنە ءۇزىلدى-كەسىلدى قارسىمىز. ءبىز جاپون بيلىگىن اسكەري مۇمكىندىكتەرىن كەڭەيتۋگە باعىتتالعان قاۋىپتى مۇددەسىنەن باس تارتۋعا شاقىرامىز.
24.kz
