قىتاي عالىمدارى ايدان سۋ تاپتى

استانا. قازاقپارات- قىتايلىقتار ايدان سۋ شىعارۋ ءتاسىلىن ويلاپ تاپتى. عالىمدار جەر سەرىگىنەن جەتكىزىلگەن توپىراقتى زەرتتەۋ كەزىندە قۇرامىندا سۋتەگىنىڭ مول مولشەرى بارىن انىقتاعان.

قىتاي عىلىم اكادەمياسىنىڭ زەرتتەۋشىلەرى ايدان الىنعان ءبىر توننا مينەرالدان 50 ليترگە دەيىن سۋ شىعارۋعا بولاتىنىن ايتادى. ول ءۇشىن ايدىڭ توپىراعىن 1000 گرادۋستان جوعارى تەمپەراتۋرادا قىزدىرعان. ەلەمەنتتەردىڭ حيميالىق ءوزارا ارەكەتتەسۋىنىڭ ناتيجەسىندە بۋ بولىنگەن. قازىر يننوۆاتسيالىق ءادىستىڭ قىر-سىرى جەتىلدىرىلىپ جاتىر. بۇل امال كەلەشەكتە اي بەتىنە زەرتتەۋ ستانسياسىن سالۋ كەزىندە پايدالانىلادى.

ماتەريالدار تەحنولوگياسى جانە ينجەنەريا ينستيتۋتىنىڭ زەرتتەۋشىسى:

- بۇل ءتاسىلدى اي بەتىندە پايدالانۋعا بولادى. ول ءۇشىن كۇننىڭ ساۋلەسىن فرەنەل لينزاسى ارقىلى كۇشەيتەمىز. ايدىڭ توپىراعىن 1500 گرادۋسقا دەيىن قىزدىرعاندا ەرىپ، ودان بۋ بولىنەدى. ال سۋدى ەلەكتروليزدەۋ ارقىلى وتتەگى مەن سۋتەگى الىنادى. وتتەگى ايدا ۇزاق ۋاقىت تۇراقتاۋعا مۇمكىندىك بەرەدى. ال سۋتەگى ەنەرگيا كوزى بولىپ تابىلادى. ودان بولەك، قىزدىرىلعان اي توپىراعى تەمىر مەن كەراميكالىق شىنىعا اينالادى. ونى ايدا زەرتتەۋ بازاسىنىڭ قۇرىلىسىنا پايدالانۋعا بولادى.

24.kz