قىتاي اۆتوموبيل ەكسپورتىنان الەمدە ءبىرىنشى ورىن الۋى مۇمكىن

2023 -جىلدىڭ سوڭىنا قاراي قىتاي العاش رەت سىرتقى نارىقتارعا جەتكىزىلىمدەردىڭ ۇلعايۋىنا، سونداي- اق ءوسىپ كەلە جاتقان جاھاندىق ەلەكتروموبيل ونەركاسىبىنە بايلانىستى الەمدەگى ەڭ ءىرى اۆتوموبيل ەكسپورتتاۋشىسى بولۋى مۇمكىن. بۇل تۋرالى Nikkei جازادى، دەپ حابارلايدى Kazinform.

قىتاي اۆتوموبيل وندىرۋشىلەرى قاۋىمداستىعىنىڭ (CAAM) الدىن الا مالىمەتى بويىنشا، بيىلعى جىلدىڭ قاڭتار- قاراشا ايلارى ارالىعىندا قىتاي 4,41 ميلليون كولىك ەكسپورتتاعان.

جاپونيا وسى جىلدىڭ العاشقى 11-ايىندا 3,99 ميلليون دانا كولىك ەكسپورتتاسا، 2023 -جىلدىڭ سوڭىنا قاراي جالپى ەكسپورت كولەمى شامامەن 4,3 ميلليونعا جەتۋى مۇمكىن.

باسىلىمنىڭ مالىمەتىنشە، قاڭتاردان قازانعا دەيىنگى ارالىقتا قىتاي رەسەيگە 730 مىڭ كولىك ەكسپورتتاعان، بۇل وتكەن جىلمەن سالىستىرعاندا جەتى ەسە كوپ.

ءوز كەزەگىندە، مەكسيكاعا اۆتوكولىك جەتكىزىلىمى ءبىر جىلمەن سالىستىرعاندا % 71- عا ءوسىپ، 330 مىڭدى قۇرادى.

قىتاي بيىل ەلەكترلى جانە باسقا دا بالامالى ەنەرگيا كولىكتەرىنىڭ جاھاندىق ەكسپورتىن كەڭەيتتى.

قىتايدىڭ جاڭا ەنەرگەتيكالىق كولىكتەر ەكسپورتى 2023 -جىلدىڭ العاشقى 11 ايىندا 1,09 ميلليون دانانى قۇرادى، بۇل ءبىر جىلمەن سالىستىرعاندا % 83,5- عا ارتىق.

اۆتور

ەركەجان سماعۇلوۆا