قىتاي الەمنىڭ تۇكپىر-تۇكپىرىنەن دارىندى ادامداردى تارتپاق
استانا. KAZINFORM - قىتاي پرەمەر-ءمينيسترى ساياساتتى وڭتايلاندىرىپ، كادر الماسۋدى جەڭىلدەتەتىنىن ايتىپ، شەتەلدىك ساراپشىلاردى قىتايدىڭ دامۋىنا تەرەڭىرەك اتسالىسۋعا شاقىردى.
بۇل تۋرالى قىتاي پرەمەر-ءمينيسترى لي شياڭ بەيجىڭدە وتكەن فورۋمعا قاتىسىپ، شەتەلدىك ساراپشىلارمەن كەزدەسىپ، ولاردىڭ قىتايدىڭ دامۋى مەن ۇكىمەت جۇمىسى تۋرالى پىكىرلەرى مەن ۇسىنىستارىن تىڭداۋ كەزىندە ايتتى.
لي شياڭنىڭ ايتۋىنشا شەتەلدىك ماماندار قىتايدىڭ ەكونوميكالىق جانە الەۋمەتتىك دامۋىن ىلگەرىلەتۋدە جانە قىتاي مەن شەت ەلدەر اراسىنداعى الماسۋ مەن ىنتىماقتاستىقتى دامىتۋدا ماڭىزدى ءرول اتقارادى.
«قىتايدىڭ دامۋى - اشىق دامۋ جانە ول الەمنىڭ تۇكپىر-تۇكپىرىنەن كەلگەن تالانتتاردى قۇشاق جايا قارسى الادى. شەتەلدىك ماماندار قىتايدىڭ دامۋىنا تەرەڭىرەك اتسالىسىپ، قىتاي ۇلگىسىندەگى مودەرنيزاتسيانىڭ ۇلكەن ساحناسىندا ءوز تالانتتارىن تولىق كورسەتەدى دەپ ۇمىتتەنەمىز»، - دەدى لي شياڭ.
لي شياڭ، سونداي-اق، قىتاي دا ساياساتتى وڭتايلاندىرىپ، زياتكەرلىك مەنشىك قۇقىعى مەن باسقا دا قۇقىقتاردى قورعاۋدى كۇشەيتىپ، دۇنيە ءجۇزىنىڭ تۇكپىر-تۇكپىرىنەن كەلگەن تالانتتاردىڭ قىتايدا جۇمىس ىستەپ، ءومىر سۇرۋىنە جاقسى جاعداي جاسايتىنىن ايتتى.
اۆتور
مۇقتار مۇرات
