قىستىڭ قاقاعان سۋىعىندا كەنتاۋدا قۇلپىناي ءپىستى

تۇركىستان. KAZINFORM - كەنتاۋ قالاسىنا قاراستى قۇسشى اتا ەلدى-مەكەنىندە ورنالاسقان «مۇحاممەد-ءالي» شارۋاقوجالىعى جىل ون ەكى اي بويى قۇلپىناي ءوسىرىپ كەلەدى.

Қыстың қақаған суғынада Кентауда құлпынай пісті
Фото: Kazinform

ەلدى-مەكەن كەنتاۋ قالاسىنا جاقىن ورنالاسقاندىقتان، مۇنداعى شارۋالار ءوز ونىمدەرىن الدىمەن قالاعا جونەلتەمىز دەپ وتىر. سەبەبى، كەنتاۋلىقتاردان سۇرانىس كوپ تۇسەدى. ال، اپتا سايىن وتەتىن جارمەڭكەدە قۇسشىاتالىق قۇلپىنايلاردى جەرگىلىكتى حالىق كەزەككە تۇرىپ ساتىپ الادى.

Қыстың қақаған суғынада Кентауда құлпынай пісті
Фото: Kazinform

- بۇيىرسا، ءونىم كولەمىن ۇلعايتۋدى جوسپارلاپ وتىرمىز. ءبىز ەگىپ جاتقان قۇلپىنايدىڭ سۇرپى وتە ءونىمدى. ءار تۇپتەن مول ءونىم الۋ ويىمىزدا بار. وتباسىلىق شارۋاشىلىق بولعاسىن جۇمىس كوزى كەيدە وزىمىزدەن ارتىلمايدى. ال، ءونىم كوبەيگەن ساتتە جالدامالى جۇمىسشىلاردى جۇمىسقا تارتامىز، - دەيدى شارۋا ۇلىقبەك اتاحانوۆ.

شارۋاقوجالىق نەگىزىنەن قۇلپىناي جانە تاڭقۋراي وسىرۋمەن اينالىسادى. بۇگىنگى تاڭدا مۇنداعى 21 سوتتىق جەرگە قۇلپىناي ەگىلگەن. ال، جىلىنا جوبامەن 1 توننادان استام ءونىم جينالادى.

Қыстың қақаған суғынада Кентауда құлпынай пісті
Фото: Kazinform

مۇندا قۇلپىنايدىڭ 6 سورتى بار. اشىق دالادا وسەتىن ازيا، كلەري، لوحتي تۇرلەرى جىلىنا ءبىر رەت ءونىم بەرەدى. ال، جىلىجايداعى مۋرانا، انابيال، البيون تۇرلەرىنەن جىل ون ەكى اي بويى جەمىس الۋعا بولادى.

شارۋا قاجەتتى كوشەتتەردى الماتى قالاسىنان الدىرادى. ال، ءونىمنىڭ نەگىزگى تۇتىنۋشىلارى كەنتاۋلىقتار مەن تۇركىستان قالاسىنىڭ تۇرعىندارى.

Қыстың қақаған суғынада Кентауда құлпынай пісті
Фото: Kazinform

- جاز ايلارىندا قۇلپىنايدى كۇنارا تەرسەك، قىستا اپتاسىنا ءبىر رەت جيناپ الامىز. ءساۋىر، مامىر ايلارىندا كەلىسى 800 تەڭگەدەن بولسا، قىستا 5000 تەڭگەگە دەيىن ساتامىز، - دەيدى شارۋا ۇلىقبەك اتاحانوۆ.

ايتا كەتەيىك، بۇدان بۇرىن تۇركىستان وبلىسىندا ءبىر ءوزى ەكى اۋدانعا قارايتىن اۋىلدار بار ەكەنىن جازعان بولاتىنبىز.

اۆتور

قايرات زاينيشيەۆ

سوڭعى جاڭالىقتار