قىسقى دوڭگەلەك تاقپاعان جۇرگىزۋشىلەرگە قانشا ايىپپۇل سالىنادى

كۇن سۋىتا باستاعان كەزدە جۇرگىزۋشىلەرگە كولىكتەرىن قىسقى ماۋسىمعا الدىن الا دايىنداۋ ۇسىنىلادى. قىسقى شينالارعا قاشان اۋىسۋ قاجەت جانە تالاپتاردى بۇزعانى ءۇشىن قانداي ايىپپۇل قاراستىرىلعان.

قوستاناي وبلىسى پوليتسيا دەپارتامەنتى اكىمشىلىك پوليتسيا باسقارماسىنىڭ جول جانە تەحنيكالىق ينسپەكسيا توبىنىڭ ينسپەكتورى دينارا نۇرعالييەۆانىڭ ايتۋىنشا، كەدەن وداعىنىڭ «دوڭگەلەكتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتىنە سايكەس، 1 -جەلتوقساننان اقپان ايىنىڭ سوڭىنا دەيىن جەڭىل اۆتوكولىكتەردىڭ قىسقى دوڭگەلەكسىز جۇرۋىنە تىيىم سالىنادى.

— قىسقى دوڭگەلەك كولىكتىڭ بارلىق دوڭگەلەگىنە ورناتىلۋى ءتيىس. تەحنيكالىق رەگلامەنت تالاپتارىنا سايكەس كەلمەيتىن اۆتوكولىكتى باسقارعانى ءۇشىن اكىمشىلىك جاۋاپكەرشىلىك قاراستىرىلعان. ەگەر قۇقىق بۇزۋ ءبىر جىل ىشىندە قايتالانسا، جازا قاتاڭداتىلادى، — دەدى دينارا نۇرعالييەۆا.

2026 -جىلى بەلگىلەنگەن مەرزىمدە قىسقى شينالاردى پايدالانباعانى ءۇشىن ايىپپۇل 5 ايلىق ەسەپتىك كورسەتكىشتى (اەك) ، ياعني 21625 تەڭگە. اكىمشىلىك جازا قولدانىلعاننان كەيىن ءبىر جىل ىشىندە قۇقىق بۇزۋ قايتالانسا، ايىپپۇل 20 اەك- كە نەمەسە 86500 تەڭگەگە دەيىن وسەدى.

پوليتسيا جۇرگىزۋشىلەرگە العاشقى اياز بەن كوكتايعاقتى كۇتپەي، كولىكتەرىن قىسقى ماۋسىمعا الدىن الا دايىنداۋعا كەڭەس بەرەدى.

— جۇرگىزۋشىلەردى العاشقى قار مەن كوكتايعاقتى كۇتپەي، شينالاردى ۋاقىتىلى اۋىستىرۋعا، جىلدامدىق رەجيمىن ساقتاۋعا جانە ءقاۋىپسىز اراقاشىقتىق ۇستاۋعا شاقىرامىز. جولداعى قاۋىپسىزدىك قوزعالىسقا قاتىسۋشىلاردىڭ ءارقايسىسىنىڭ جاۋاپكەرشىلىگىنە بايلانىستى، — دەپ اتاپ ءوتتى ينسپەكتور.

ەسكە سالايىق، 17- 19 -قازان ارالىعىندا قازاقستاندا جاڭبىر مەن قار جاۋىپ، اۋا تەمپەراتۋراسى كۇرت قۇبىلادى دەپ كۇتىلۋدە.