قىرعىزستاننىڭ قانشا قارىزى بار ەكەنى بەلگىلى بولدى

بىشكەك. KAZINFORM - «ەلديك» دەپۋتاتتىق توبى مەن «اليانس» فراكسياسىنىڭ وتىرىسىندا قىرعىز ەلىنىڭ قارجى ءمينيسترى الماز باكەتايەۆ مەملەكەتتىك قارىزدىڭ كولەمىن اتادى. بۇل تۋرالى 24.kg جازدى.

ءمينيستردىڭ ايتۋىنشا، مەملەكەتتىك قارىزدىڭ جالپى كولەمى 6,5 ميلليارد دوللاردى قۇرايدى، ونىڭ شامامەن 4,5 ميلليارد دوللارى سىرتقى قارىز، قالعانى ىشكى قارىز.

ونىڭ ايتۋىنشا، قارجى مينيسترلىگى مەملەكەت ىشكى نەسيەنى جىلىنا ورتا ەسەپپەن 12-14 پايىز، ال سىرتقى نەسيەنى 2 پايىزبەن الادى. ال جوعارى مولشەرلەمەمەن الىناتىن ىشكى نەسيەلەرگە كوشۋدى مينيستر سىرتقى قارىزدىڭ شەتەل ۆاليۋتاسىندا بەرىلەتىنىمەن، باعامى وزگەرمەلى جانە ايتارلىقتاي ءوسۋى مۇمكىن ەكەندىگىمەن ءتۇسىندىردى.

- ايىرباستاۋ باعامى مەن پايىزدىق مولشەرلەمەنى بىرگە الساق، سىرتقى قارىزدار بويىنشا كوبىرەك تولەيتىن بولىپ شىعۋى مۇمكىن. قارىزدى وتەۋ ءۇشىن ۆاليۋتا ساتىپ الامىز. سوسىن شەتەلگە جىبەرەمىز، بۇل اقشا باسقا ەلدىڭ ەكونوميكاسىنا جۇمىس ىستەيدى. ال ىشكى نەسيەلەردى العان كەزدە ءبىز ءوزىمىزدىڭ سۋبەكتىلەرگە: بانكتەرگە، الەۋمەتتىك قورعا جانە ت. ب. تولەيمىز، - دەپ ءتۇسىندىردى مينيستر.

اۆتور

جاراسقان نۇرىبايەۆ