قىرعىزستاندا قىتايلىق كولىك قۇراستىراتىن زاۋىت اشىلادى

بىشكەك. KAZINFORM - قىرعىزستاننىڭ نارىن وبلىسىندا «قىرعىز پوشتاسى» ا ا ق، «نارىن» ا ە ا جانە «قاشعار» ا ە ا ىنتىماقتاستىعى اياسىندا قۇرىلعان «ەكى ەل، ەكى ايماق» باستاماسى بويىنشا اۆتوكولىك قۇراستىرۋ زاۋىتى اشىلادى.

قىرعىزستان رەسپۋبليكاسى سيفرلىق دامۋ مينيسترلىگىنىڭ باسپا ءسوز قىزمەتىنىڭ حابارلاۋىنشا، زاۋىتتى ىسكە قوسۋ كەزەڭىندە قىتايدىڭ «دجيابو» تەحنولوگيالىق كومپانياسى، قىرعىز رەسپۋبليكاسى پرەزيدەنتىنىڭ نارىن وبلىسىنداعى وكىلەتتى وكىلى جانە «قىرعىز پوشتاسى» ا ا ق اراسىندا ءۇشجاقتى مەموراندۋمعا قول قويىلدى.

زاۋىتتى اشۋ جونىندەگى كەلىسسوزدەردەن كەيىن «دجيابو» كومپانياسىنىڭ باس ديرەكتورى حۋان يۋنتسي باستاعان قىتايلىق ينۆەستورلار زاۋىت قۇرىلىسىنا ارنالعان جەر تەلىمدەرىن قاراستىردى.

قۇرىلىس اياقتالعان سوڭ زاۋىتتا بەنزين، ەلەكتر جانە گازبەن جۇرەتىن ءتۇرلى كولىك قۇرالدارى شىعارىلادى. جەرگىلىكتى تۇرعىندار ءۇشىن 100-دەن 1 مىڭعا دەيىن جۇمىس ورنى اشىلادى.

اۆتور

زارينا تۋعانبايەۆا