12:36, 09 - ءساۋىر 2024 | GMT +5
قىرعىزستان پرەزيدەنتى سادىر جاپاروۆ رەسمي ساپارمەن قازاقستانعا كەلەدى
استانا. قازاقپارات - 18-19-ءساۋىر كۇندەرى قىرعىزستان پرەزيدەنتى سادىر جاپاروۆتىڭ قازاقستانعا رەسمي ساپارى وتەدى. بۇل تۋرالى اقپاراتتى قىرعىزستان رەسپۋبليكاسى باسشىسىنىڭ باسپا ءسوز قىزمەتى راستادى.
ساپار اياسىندا ەكى ەلدىڭ پرەزيدەنتتەرى جوعارى مەملەكەتارالىق كەڭەستىڭ وتىرىسىن وتكىزەدى. تاراپتار ەكىجاقتى ىنتىماقتاستىقتىڭ وزەكتى ماسەلەلەرىن تالقىلايدى.
سونىمەن قاتار، سادىر جاپاروۆ قازاقستانداعى قىرعىز كينوسى كۇندەرىنىڭ اشىلۋىنا جانە باسقا دا ءبىرقاتار شارالارعا قاتىسادى.
اۆتور
زارينا تۋعانبايەۆا
