قىرعىزستان ميليتسياسى ءۇش ادامدى ءولتىردى دەگەن كۇدىككە ىلىنگەن ەر ادامدى اتىپ تاستادى

استانا. KAZINFORM - قىرعىزستاندا ميليتسيا ءۇش ادامدى ءولتىردى دەگەن كۇدىككە الىنعان ەر ادامدى ۇستاۋ كەزىندە اتىپ ءولتىردى، دەپ حابارلايدى قىرعىزستاننىڭ كابار اقپارات اگەنتتىگى.

ميليتسيانىڭ مالىمەتىنشە، 2024 -جىلى 24 -مامىردا تۇندە ايتماتوۆ اۋدانىنداعى اۋىلداردىڭ بىرىندەگى ۇيدەن اسا قاتىگەزدىكپەن ولتىرىلگەن ءۇش ازاماتتىڭ دەنەسى تابىلدى.

وقيعا ورنىنا جەتكەن جەدەل-تەرگەۋ توبى قازا بولعانداردىڭ 26 جاستاعى ايەل مەن ونىڭ ەكى جانە ءتورت جاستاعى بالالارى ەكەنى انىقتالدى.

ساراپتاما بارىسىندا ءۇش ادامدى ءولتىرۋ فاكتىسى انىقتالدى: جابىرلەنۋشىلەردىڭ دەنەلەرىندە كوپتەگەن جاراقاتتار بولدى.

پوليتسيا قىزمەتكەرلەرى كىسى ولتىرۋگە كۇدىكتىنىڭ كىم ەكەنىن انىقتادى، ول تالاس وبلىسى ايتماتوۆ اۋدانى، اقباشات اۋىلىنىڭ تۇرعىنى، بۇرىن كىسى ولتىرۋگە وقتالعانى ءۇشىن سوتتالعان 1976 -جىلى تۋعان ازامات ك. ن. اتتى بولىپ شىقتى.

جەدەل-ىزدەستىرۋ شارالارى بارىسىندا اسا اۋىر كىسى ءولتىرۋ بويىنشا كۇدىكتىنىڭ جۇرگەن جەرى انىقتالدى، ول تاۋعا بارىپ جاسىرىنباق بولعان.

ميلياتسيا كۇدىكتىنى ۇستاۋ كەزىندە اتىپ تاستادى.

اۆتور

زارينا تۋعانبايەۆا