قىرعىزستان ەكونوميكاسىنىڭ ءوسىمى جىل باسىنان بەرى 8,6 پايىزدى قۇرادى

استانا. KAZINFORM - قىرعىزستاننىڭ جالپى ىشكى ءونىمى 2024-جىلدىڭ قاڭتار-اقپان ايلارىندا الدىن الا باعالاۋ بويىنشا 155,5 ميلليارد سومدى (1,7 ميلليارد ا ق ش دوللارىنان استام) قۇراپ، 2023-جىلدىڭ وسى كەزەڭىمەن سالىستىرعاندا 8,6 پايىزعا ءوستى. بۇل تۋرالى سەيسەنبى كۇنى ەلدىڭ ۇلتتىق ستاتيستيكالىق كوميتەتى حابارلادى، دەپ جازادى شينحۋا اگەنتتىگى.

2024 -جىلدىڭ قاڭتار-اقپان ايلارىندا ونەركاسىپ ءونىمىنىڭ كولەمى وتكەن جىلدىڭ سايكەس كەزەڭىمەن سالىستىرعاندا %7,8- عا ءوستى، بۇل اعاش، قاعاز جانە باسپا ونىمدەرىن ءوندىرۋ كولەمىنىڭ 1,6 ەسەگە، رەزەڭكە، پلاستماسسا بۇيىمدارى مەن قۇرىلىس ماتەريالدارىن ءوندىرۋ كولەمىنىڭ 30,3 پايىزعا، حيميا ونىمدەرى 27,7 پايىزعا، فارماتسيەۆتيكالىق ونىمدەر 16,8 پايىزعا، تاماق جانە تەمەكى ونىمدەرى 16,3 پايىزعا، نەگىزگى مەتالدار 11,1 پايىزعا ءوستى.

قۇرىلىستا (39,5 پايىزعا)، كوتەرمە جانە بولشەك ساۋدادا (22,9 پايىزعا)، اۋىل شارۋاشىلىعىندا (1,4 پايىزعا)، قوناقۇي جانە مەيرامحانا بيزنەسىندە (16,8 پايىزعا) ءوسىم بايقالدى.

اعىمداعى جىلدىڭ اقپان ايىندا 2023-جىلعى جەلتوقسانمەن سالىستىرعاندا جالپى رەسپۋبليكا بويىنشا تۇتىنۋشىلىق باعالار مەن تاريفتەردىڭ ءوسۋى 1 پايىزدى قۇرادى.

اۆتور

ەركەجان سماعۇلوۆا