قىرعىزستان كوك ءبورى كومانداسى - دۇنيەجۇزىلىك كوشپەندىلەر ويىندارىنىڭ چەمپيونى
استانا. KAZINFORM - قىرعىزستان كوك ءبورى كومانداسى دۇنيەجۇزىلىك كوشپەندىلەر ويىندارىنىڭ چەمپيونى اتاندى.
اقتىق سىندا قازاقستان مەن قىرعىزستان كوك ءبورى كوماندالارى كەزدەسكەن بولاتىن. ەكى كوماندا جەڭىس ءۇشىن بارىن سالىپ، ەرەكشە ويىن ورنەگىن كورسەتتى. ناتيجەسىندە 10: 4 ۇپايمەن قىرعىزستان كومانداسى كوك ءبورى ويىندارىنىڭ «التىن» جۇلدەسىن قانجىعالادى. قازاقستاندىق شاباندوزدار كوشپەندىلەر ويىندارىنىڭ كۇمىس جۇلدەگەرى اتاندى.
ايتا كەتەيىك، كەشە قازاقستاندىق شاباندوزدار تۇركيانىڭ كوك ءبورى كومانداسىن 15:1 ەسەبىمەن ۇتىپ، فينالعا جولداما العان. ال قىرعىزستان كومانداسى جارتىلاي فينالدا رەسەي كومانداسىمەن كەزدەسىپ 11:6 ەسەبىمەن جەڭىسكە جەتكەن ەدى.
كوك ءبورى - قىرعىز حالقىنىڭ جاۋىنگەرلىك ات سپورتى ونەرى. بۇل ويىنعا بىلەكتى دە جۇرەكتى جىگىتتەر مەن بەلدى اتتار ىرىكتەلەدى. جەڭىسكە جەتۋ ءۇشىن دە تۇلپار مەن سپورتشىنىڭ بىرلەسىپ ارەكەت ەتكەنى اسا ماڭىزدى. سەركەنى جەردەن الىپ ۇلگەرگەن شاباندوز دودانى جارىپ ءوتىپ، ونى قارسىلاس كوماندانىڭ قازاندىعىنا سالۋى كەرەك.
اۆتور
ريزابەك نۇسىپبەك ۇلى
