قىلمىستىق توپ جاساعان الاياقتىق: ەكى كۇدىكتىگە ىزدەۋ جاريالاندى

استانا. KAZINFORM - ىشكى ىستەر مينيسترلىگى ۇرلىق جاسادى دەگەن كۇدىكپەن ەكى ادامعا ىزدەۋ جاريالادى، دەپ جازادى polisia.kz.

«ىشكى ىستەر مينيسترلىگى «Qarmet» ا ق- دان ۇرلىق جاسادى دەگەن كۇدىكپەن اسا ءىرى مولشەردە قىلمىستىق توپپەن جاسالعان الاياقتىق فاكتىسى بويىنشا تىركەلگەن قىلمىستىق ءىس بويىنشا (ق ك- ءنىڭ 190-بابى 4-بولىگى) ىزدەستىرىلۋدە:

احمەتجانوۆ ميراس قالىمبەك ۇلى، 02.04.1987 -جىلى تۋعان، اباي وبلىسىنىڭ تۋماسى، بۇرىن ۇرلىق جاساعانى ءۇشىن سوتتالعان. بۇلتارتپاۋ شاراسى - قاماۋدا ۇستاۋ.

چيجيەۆسكي اندرەي الەكساندروۆيچ، 29.11.1987 -جىلى تۋعان، قوستاناي وبلىسىنىڭ تۋماسى. بۇلتارتپاۋ شاراسى - قاماۋدا ۇستاۋ» دەلىنگەن حابارلامادا.

ىزدەۋدە جۇرگەن ادامداردىڭ ورنالاسقان جەرى تۋرالى اقپارات بولسا، ءى ءى م ۇيىمداسقان قىلمىسقا قارسى كۇرەس دەپارتامەنتىنە استانا قالاسى، تاۋەلسىزدىك داڭعىلى 1 مەكەنجايى بويىنشا نەمەسە 87051771419 تەلەفوندارى ارقىلى حابارلاۋعا بولادى.

اۆتور

ەربول جانات