قۇنى 100 ميلليون بولاتىن قۇستاردى شەكارادان الىپ وتپەك بولعان ازامات ۇستالدى
استانا. KAZINFORM — تۇركىستان وبلىسىنداعى «سەليننىي» وتكىزۋ پۋنكتىندە شەكاراشىلار قىزىل كىتاپقا ەنگەن 11 يتەلگىنى كونتراباندالىق جولمەن اكەتۋ ارەكەتىنىڭ جولىن كەستى.
ۇ ق ك شەكارا قىزمەتى سيرەك كەزدەسەتىن جانە قورعاۋعا الىنعان جانۋارلار تۇرلەرىن ەل اۋماعىنان زاڭسىز اكەتۋ فاكتىلەرىنىڭ جولىن كەسۋ بويىنشا جۇيەلى جۇمىستاردى جالعاستىرىپ جاتىر.
اتاپ ايتقاندا، 2026 -جىلعى 31 -قازاندا تۇركىستان وبلىسىنداعى «سەليننىي» وتكىزۋ پۋنكتىندە شەكاراشىلار قىزىل كىتاپقا ەنگەن 11 يتەلگىنى كونتراباندالىق جولمەن اكەتۋ ارەكەتىنىڭ جولىن كەستى. قازاقستان رەسپۋبليكاسىنىڭ ازاماتى ۇستالدى.
تاركىلەنگەن قۇستاردىڭ قارا نارىقتاعى قۇنى 100 ميلليون تەڭگەدەن اسۋى مۇمكىن.
اتالعان فاكتى بويىنشا ماتەريالدار ءتيىستى پروتسەستىك شەشىم قابىلداۋ ءۇشىن قۇزىرەتتى ورگاندارعا جولداندى.
ايتا كەتەلىك قىزىل كىتاپقا ەنگەن 9 يتەلگىنى قىرعىزستانعا اكەتىپ بارا جاتقاندار شەكارادا ۇستالعان ەدى.
