قوياندىدا ءالى كۇنگە دەيىن 2 مىڭعا جۋىق ءۇيدىڭ قۇجاتى جوق - پروكۋراتۋرا
استانا. KAZINFORM - استانا ماڭىندا ورنالاسقان قوياندى اۋىلىنىڭ تۇرعىندارىن الاڭداتقان ماسەلەنى اقمولا وبلىسىنىڭ پروكۋرورلارى قولعا الدى.
بۇعان دەيىن قوياندى اۋىلىنىڭ تۇرعىندارى مۇلىككە قۇقىق رەسىمدەۋگە بايلانىستى قۇجاتتاردى الۋ ءۇشىن استانا، كوكشەتاۋ قالالارىنا بارۋعا ءماجبۇر بولاتىن.
بۇل حالىققا قىزمەت كورسەتۋ ورتالىقتارىنىڭ قاشىقتىعىنا بايلانىستى ازاماتتاردىڭ نارازىلىعىن تۋدىردى.
كەيبىر جاعدايدا بۇل جىلجىمايتىن مۇلىك قۇقىعىنىڭ ۇزاق ۋاقىت تىركەلمەۋىنە سەبەپ بولدى.
سونىڭ سالدارىنان سوڭعى سۋ تاسقىنى كەزىندە اپاتتان كەلگەن زالال ءۇشىن وتەماقى الۋ كەزىندە قۇجاتتىڭ جوقتىعىنان پروبلەما تۋدى.
مىسالى، 2000-عا جۋىق ۇيدە ءالى كۇنگە دەيىن قۇجات جوق.
وسىعان بايلانىستى باس پروكۋرور بەرىك اسىلوۆتىڭ نۇسقاۋى بويىنشا اقمولا وبلىسىنىڭ پروكۋراتۋراسى ۆەدومستۆوارالىق جۇمىس توبىن قۇردى.
حالىقپەن بىرنەشە رەت كەزدەسكەننەن كەيىن جۇمىس توبى مەملەكەتتىك قىزمەتتەر اۋىلدىڭ وزىندە كورسەتىلۋى كەرەك ەكەنىن ءبىرىنشى كەزەكتەگى مىندەت ەتىپ بەلگىلەدى.
ول ءۇشىن وبلىس پروكۋراتۋراسى وبلىس اكىمدىگىمەن بىرلەسىپ قوياندى اۋىلىنىڭ № 2 جالپى ورتا مەكتەبىنە «ءبىر تەرەزە» قاعيداتى بويىنشا مەملەكەتتىك قىزمەت كورسەتۋ ءۇشىن، ونىڭ ىشىندە ازاماتتاردىڭ جىلجىمايتىن مۇلىككە قۇقىعىن جەدەل تىركەۋ ءۇشىن «ازاماتتارعا ارنالعان ۇكىمەت» ك ە ا ق قىزمەتكەرلەرى ۋاقىتشا ورنالاستىرىلدى.
