قوستاناي وبلىسىندا قوي ىزدەۋگە شىققان مالشى اداسىپ كەتتى

استانا. KAZINFORM – ت ج م قۇتقارۋشىلارى قوستاناي وبلىسىندا اداسىپ كەتكەن مالشىنى جارتى ساعاتتىڭ ىشىندە تاپقان. بۇل تۋرالى ۆەدومستۆونىڭ باسپا ءسوز قىزمەتى ءمالىم ەتتى.

ونىڭ جوعالعانى تۋرالى بۇگىن تاڭەرتەڭ ءمالىم بولدى. 1967 -جىلى تۋعان ەر ادام كەشە تاڭەرتەڭ جانگەلدين اۋدانىنىڭ شەگەن اۋىلىنا قاراي قوي ىزدەۋگە شىققان.

- قاتتى تۇمان تۇرىندەگى قولايسىز اۋا رايىنا بايلانىستى مالشى باعدارىن جوعالتىپ، اداسىپ كەتتى. ونىڭ بايلانىس قۇرالى بولماعان. ىزدەستىرۋگە قۇتقارۋشىلار، پوليتسيا جانە ج ا و قىزمەتكەرلەرى شىقتى. 23 مينۋت ىشىندە قۇتقارۋشىلار ەر ادامدى تاۋىپ الدى، - دەلىنگەن حابارلامادا.

ول مەديتسينالىق كومەككە مۇقتاج بولعان جوق.

بۇعان دەيىن وسكەمەندە 5 قاباتتى ۇيدەن شىققان ورتتەن 6 ادام قۇتقارىلعانى بەلگىلى بولدى.

سونىمەن قاتار، قوستاناي وبلىسىندا قار قۇرساۋىنان 4 ادام قۇتقارىلعانى حابارلاندى.

اۆتور

اينۇر تۋماكبايەۆا