قوسشى قالاسىنىڭ ەكى تۇرعىنى ەكى ايدان بەرى تابىلماي جاتىر
كوكشەتاۋ. KAZINFORM - اقمولا وبلىسىندا وسىدان ەكى اي بۇرىن جوعالىپ كەتكەن قوسشى قالاسىنىڭ ەكى تۇرعىنى ىزدەستىرىلۋدە.
اۋماقتىق پ د باسپا ءسوز قىزمەتىنىڭ مالىمەتىنشە، بيىلعى جىلدىڭ 7-اقپانىندا قوسشى قالالىق پ ب- نە 43 جاستاعى ايەل وتىنىشپەن جۇگىنىپ، 26.06.2004 -جىلعى ۇلى ابىلايحان دارىن ۇلى ەركىنوۆتى تاۋىپ بەرۋىن وتىنگەن. اناسىنىڭ سوزىنشە، ۇلى قاڭتاردىڭ 23-ىندە استانا قالاسىنا قىدىرىپ كەتكەن.
جوعالعان ادامنىڭ بويى 168 س م، دەنە ءبىتىمى ورتاشا، شاشى قارا، قىسقا قيىلعان. ۇستىنە قارا شاپكى، قارا شالبار، قارا اياقكيىم كيگەن.
سونىمەن بىرگە، وسى جىلدىڭ 13-اقپانىندا ساعات 20:00 شاماسىندا قوسشى قالالىق پ ب- نە 41 جاستاعى ايەل جۇگىنىپ، 36 جاستاعى ءىنىسىن ىزدەۋگە كومەك سۇراعان. ول 6-قاڭتاردا ۇيىنەن شىعىپ، قايتىپ ورالماعان. ول ۇستىنە كوك كۋرتكا، قارا شاپكى، دجينسى، اق كروسسوۆكا كيگەن.
جوعالعان ادامداردىڭ ەكەۋى دە بۇرىن ۇيىنەن كەتىپ قالىپ جۇرگەندەر.
«قوسشى قالالىق پ ب كريمينالدى پوليتسيا ءبولمىنىڭ قىزمەتكەرلەرى جوعالعان ادامداردى استانا قالاسىنان ىزدەدى، ءبىراق ودان ناتيجە شىقپادى. ولاردى ىزدەۋگە اقمولا وبلىسى پد جەكە قۇرامى مەن ەرىكتىلەر تارتىلدى»، - دەدى ۆەدومستۆودان.
وسى رەتتە، پوليتسيا جوعالعان ادامدارعا قاتىستى قانداي ءبىر مالىمەتى بار ادامدار بولسا، دەرەۋ «102» ارنايى جەلىسى نەمەسە 79721(71651)8، 87083540382، 87056576555، 87025204000 تەلەفون نومىرلەرى بويىنشا حابارلاسۋدى سۇرايدى.
ايتا كەتسەك، بۇدان بۇرىن كوكشەتاۋدا ءىز-ءتۇزسىز جوعالعان ايەلگە ىزدەۋ جاريالانعانىن جازعان ەدىك.
اۆتور
اسلان وسپانوۆ
