قوسشى كاسىپكەرلەرى جەر ۋچاسكەسىن ساتىپ الۋدا اكىمشىلىك كەدەرگىلەرگە تاپ بولعان

кәсіпкер құқығы
Фото: Kazinform

كوكشەتاۋ. KAZINFORM - قوسشى قالاسىنىڭ كاسىپكەرلەرى شەنەۋنىكتەر قۇرعان اكىمشىلىك كەدەرگىلەردىڭ سالدارىنان جەر ۋچاسكەسىن ساتىپ الا الماعان.

مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتىنىڭ مالىمەتىنشە، كاسىپكەرلەر اراسىندا سۇرانىسقا يە مەملەكەتتىك قىزمەتتەردىڭ ءبىرى «جەر ۋچاسكەسىنىڭ كاداسترلىق (باعالاۋ) قۇنىن انىقتاۋ» بولىپ تابىلادى. ادەتتە، ونى جالعا الىنعان جەر ۋچاسكەلەرىن ماقساتتى يگەرگەن جانە ولاردى ساتىپ العىسى كەلەتىن كاسىپكەرلەر پايدالانادى. مۇنداي ۋچاسكەلەر جەرگىلىكتى وكىلدى ورگانداردىڭ شەشىمدەرىمەن بەكىتىلەتىن بازالىق مولشەرلەمەلەر بويىنشا ساتىپ الىنادى.

«اكىمشىلىك-اۋماقتىق وزگەرىستەر بارىسىندا سەلينوگراد اۋدانى مەن قوسشى قالاسىندا جەرگىلىكتى وكىلدى ورگاننىڭ ءتيىستى شەشىمى بولعان جوق، سونىڭ سالدارىنان مەملەكەتتىك كورپوراتسيانىڭ جەرگىلىكتى بولىمدەرى ازاماتتارعا مەملەكەتتىك قىزمەت كورسەتۋدەن باس تارتۋعا ءماجبۇر بولدى. بۇل جاعدايلار ءوز قىزمەتىن دامىتۋدى جوسپارلاعان، بانكتىك قارىزدار الۋعا، جەر ۋچاسكەلەرىنە جەكە مەنشىك قۇقىعىن رەسىمدەۋگە نيەت بىلدىرگەن كاسىپكەرلىك سۋبەكتىلەرى ءۇشىن كەدەرگى بولدى»، - دەپ ءتۇسىندىردى ۆەدومستۆو وكىلدەرى.

ايتا كەتسەك، مەملەكەتتەن جەر ۋچاسكەلەرىن ساتىپ الۋ بيۋدجەتتى ايتارلىقتاي تولىقتىرادى.

دەپارتامەنت مەملەكەتتىك كورپوراتسيانىڭ فيليالىنا ءوتىنىش بەرۋشىلەردىڭ بۇزىلعان قۇقىقتارىن قالپىنا كەلتىرۋ تۋرالى اقپاراتتىق حات ەنگىزىپ، مەملەكەتتىك ورگاندارعا قوسشى قالاسى بويىنشا بازالىق ستاۆكالاردى بەكىتۋ قاجەتتىگى تۋرالى حابارلاعاننان كەيىن بازالىق ستاۆكالار بەكىتىلدى. وسىنىڭ ارقاسىندا 2023-جىلى 22 ازامات ءوز جەر ۋچاسكەلەرىن الدى.

ەسكە سالا كەتەيىك، بۇدان بۇرىن اقمولا وبلىسىندا پوليتسيا ءبولىمى باستىعىنىڭ ورىنباسارى الاياقتىق جاساعانىن جازعان ەدىك.

اۆتور

اسلان وسپانوۆ

سوڭعى جاڭالىقتار