قورعانىس سالاسىنداعى مەملەكەتتىك تاپسىرىسقا 3 جىلدا 950 ميلليارد تەڭگەگە جۋىق قاراجات بولىنەدى

استانا. KAZINFORM - ونەركاسىپ جانە قۇرىلىس مينيسترلىگى قورعانىس سالاسىنداعى مەملەكەتتىك تاپسىرىسقا 2025-2027 -جىلدارى 950 ميلليارد تەڭگەگە جۋىق قاراجات جۇمساۋدى كوزدەپ وتىر.

Қорғаныс министрлігі
Фото: ҚР Қорғаныс министрлігі

بۇل تۋرالى مينيسترلىكتىڭ 3 جىلدىق بيۋدجەتى تۋرالى اقپاراتتا ايتىلعان.

ناقتى ايتساق، «مەملەكەتتىك قورعانىستىق تاپسىرىستى ورىنداۋدى قامتاماسىز ەتۋ» تارماعىنا 2025 -جىلى 372 ميلليارد 807 ميلليون 559 مىڭ تەڭگە، 2026 -جىلعا 284 ميلليارد 193 ميلليون 967 مىڭ تەڭگە 284 ميلليارد 651 ميلليون 954 مىڭ تەڭگە ءبولۋ كوزدەلگەن.

سونداي-اق، قۇجاتتا 2025 -جىلى تاراتىلعان شاحتالاردىڭ جۇمىسكەرلەرىنە كەلتىرىلگەن زالالدى وتەۋ ءۇشىن 429,9 ميلليون تەڭگە جۇمسالاتىنى ايتىلعان.

ال «ونەركاسىپتى دامىتۋ قورى» ارقىلى اۆتوبۋستاردى ليزينگكە جەڭىلدىكپەن ساتىپ الۋعا بيىل 15 ميلليارد تەڭگە جۇمسالماق.

«جەزقازعان سيرەك مەت» شارۋاشىلىق جۇرگىزۋ قۇقىقعىنداعى رەسپۋبليكالىق مەملەكەتتىك كاسىپورىنى تەحنيكالىق قايتا وڭدەۋگە جانە جاڭعىرتۋ ءۇشىن جارعىلىق كاپيتالىن ۇلعايتۋعا 1 ميلليارد تەڭگە قاراستىرىلعان.

ايتا كەتەيىك، قاراشادا قورعانىس ءمينيسترى پرەزيدەنتكە ءبىر جىل بويىندا اتقارىلعان ىستەردىڭ ەسەبىن بەرگەن بولاتىن.

اۆتور

ەسىمجان ناقتىباي

سوڭعى جاڭالىقتار