قونايەۆ كازينولارى بيۋدجەتكە قانشا سالىق تولەگەنى انىقتالدى

استانا. KAZINFORM - بۇگىندە قونايەۆ قالاسىندا بىرنەشە كازينو، ويىن زالدارى مەن بۋكمەكەرلىك كومپانيا جۇمىس ىستەپ تۇر.

- بۇگىندە 5 كازينو، 6 ويىن زالى جۇمىس ىستەپ تۇر. سونىمەن قاتار، قونايەۆ قالاسىندا تىركەلگەن بىرنەشە بۋكمەكەرلىك كومپانيا جۇمىس ىستەيدى. بيىل بيۋدجەتكە شامامەن 90 ميلليارد تەڭگە سالىق تولەدى. 3,5 مىڭ جۇمىس ورنى اشىلدى، ودان بولەك ويىن-ساۋىق سالاسىندا شامامەن 3,5 مىڭ جۇمىس ورنى بار. سوندىقتان ادامدار تابىس تاۋىپ، جۇمىس ىستەپ جاتىر، - دەدى الماتى وبلىسىنىڭ اكىمى مارات سۇلتانعازيەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

اكىمنىڭ ايتۋىنشا، قونايەۆ قالاسىنداعى كازينو، باسقا دا ويىن-ساۋىق تۇرلەرى تۋريستەردىڭ قىزىعۋشىلىعىن ارتتىرۋعا ىقپال ەتەدى.

- اسىرەسە شەتەلدىك تۋريستەر باسىم، سەبەبى الماتى قالاسى، ودان دا باسقا تۋريستىك وبەكتىلەر جاقىن ورنالاسقان. بەس كازينونىڭ جۇمىس ىستەۋگە ليتسەنزياسى بار. وزدەرىڭىز بىلەسىزدەر، ويىن بيزنەسىن تەك قونايەۆ جانە شۋچە قالاسىندا عانا جۇرگىزۋگە بولادى. سوندىقتان بارلىعى تىركەلگەن، زاڭ اياسىندا جۇمىس ىستەيدى، - دەيدى ول.

ەسكە سالا كەتەيىك، بيىل جازدا الماتىدا ءتورت ونلاين كازينو جابىلدى.

داۋلەت ىزتىلەۋ

اۆتور