قوجامجاروۆقا قاتىستى قىلمىستىق ءىس بويىنشا تەرگەۋ باستالدى
استانا. KAZINFORM - ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ بۇرىنعى ءتوراعاسى قايرات قوجامجاروۆقا قاتىستى سوتقا دەيىنگى تەرگەپ-تەكسەرۋ باستالدى. بۇل تۋرالى باس پروكۋراتۋرا حابارلادى.
ول لاۋازىمدىق وكىلەتتىگىن اسىرا پايدالاندى جانە ءارتۇرلى كەزەڭدەردە قىلمىستىق جولمەن الىنعان اقشانى زاڭداستىردى دەگەن كۇدىككە ءىلىندى.
- بارلىق ىستەر بويىنشا ارنايى پروكۋرورلاردىڭ جەتەكشىلىگىمەن جەدەل-تەرگەۋ توپتارى قۇرىلدى، - دەلىنگەن اقپاراتتا.
ق ر قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
بۇعان دەيىن باس پروكۋراتۋرا قايرات قوجامجاروۆتىڭ «قورعاس ىسىنە» قاتىسى بارىن راستاعان ەدى.
ەسكە سالا كەتسەك، الماتى وبلىسىنداعى كەدەن بەكەتتەرىندە ءىرى كولەمدەگى ۇرلىق دەرەكتەرى تۋرالى قارجى پوليتسياسى 2011 -جىلدىڭ سوڭىندا حابارلاعان بولاتىن. ول جەردە 100-دەن استام ادامنان تۇراتىن ۇيىمداسقان قىلمىستىق توپ ارەكەت ەتكەن.
قارجى پوليتسياسىنىڭ مالىمەتىنشە، بۇل قىلمىستىق توپتىڭ جۇمىسىنا قىلمىستىق قۇرىلىمداردىڭ وكىلدەرىمەن بىرگە قۇقىق قورعاۋ ورگاندارىنىڭ جەكەلەگەن لاۋازىمدى تۇلعالارى دا تارتىلعان. ولار توپتى قارجىلاي سىياقى ءۇشىن قولداپ وتىرعان.
