قۇسبەگىلىكتەن قازاقستان چەمپيوناتىنىڭ فيناليستەرى انىقتالدى

استانا. KAZINFORM - شىعىس قازاقستان وبلىسىنا قاراستى ۇلان اۋدانى بوزانباي اۋىلىندا ءوتىپ جاتقان 2024 -جىلعا ارنالعان قۇسبەگىلىكتەن ەرەسەكتەر اراسىنداعى XVII ق ر چەمپيوناتىنىڭ فيناليستەرى انىقتالدى.

العاشقى ەكى كۇننىڭ قورىتىندىسى:

بۇركىت قۇسىمەن سايىس بويىنشا فينالدىق باسەكەگە تازا جولداما العاندار:

1. كۋشكاروۆ ارمان

2. بۇركىتباي جاسۇلان

3. يسكاكوۆ الان

تۇلكىگە سالۋ سايىسى بويىنشا چەمپيوندىقتى ساراپقا سالادى.

3-ورىندى ساراپقا سالاتىندار:

4. سەيىتجان ايان

5. تاناتوۆ عابيت

6. ابدۋلكاريم سارمات

7. بايەتباي ساعىنىش

8. قازىبەكوۆ نۇرعازى

چەمپيوناتقا ەلىمىزدىڭ 10 وبلىسىنان جانە 2 قالادان 100-گە جۋىق قۇسبەگى قاتىسۋدا. تىركەۋدەن 61 بۇركىت، 21 قارشىعا، 14 يتەلگى ءوتتى.

«اۋا رايىنىڭ قولايسىزدىعىنا بايلانىستى العاشقى جارىس كۇندەرى قۇسبەگىلەرىمىز ءۇشىن وڭايعا سوققان جوق. دەگەنمەن سپورتشىلار جاقسى ناتيجە كورسەتۋدە»، - دەپ اتاپ كورسەتىلگەن ۇلتتىق سپورت قاۋىمداستىعى تاراتقان قابارلامادا.

جەڭىمپازدار ارنايى كۋبوك، ديپلوم، مەدالدارمەن جانە ءتۇرلى قارجىلاي سىيلىقتارمەن ماراپاتتالادى.

اۆتور

كۇنسۇلتان وتارباي