قۇسبەگىلىكتەن ەل چەمپيوناتىنىڭ جەڭىمپازدارى انىقتالدى

استانا. KAZINFORM - شىعىس قازاقستان وبلىسىنا قاراستى ۇلان اۋدانى بوزانباي اۋىلىندا ءوتىپ جاتقان 2024-جىلعا ارنالعان قۇسبەگىلىكتەن ەرەسەكتەر اراسىنداعى XVII ق ر چەمپيوناتىندا جەڭىمپازدار بەلگىلى بولدى.

بۇركىتشىلەر اراسىندا 1-ورىندى اتىراۋ وبلىسىنىڭ بۇركىتشىسى ابدۋلكاريم ۇلى سارمات جەڭىپ السا، 2- ورىندى الماتى وبلىسىنىڭ بۇركىتشىسى سەيىتجان ايان يەلەندى.

ۇزدىك ۇشتىكتى تاعى ءبىر اتىراۋلىق بۇركىتشى ارمان كۋشكاروۆ قانجىعاسىنا بايلادى.

قارشىعا سايىسىندا باس جۇلدەنى تۇركىستان وبلىسىنىڭ قۇسبەگىسى بازاربايەۆ يبراگيم، 2-3- ورىنداردى سايكەسىنشە الماتى وبلىسىنىڭ قۇسبەگىلەرى مۇرات كودەكوۆ پەن ساعىنىش بايەتباي قانجىعاسىنا بايلادى.

يتەلگى سايىسىنان قاراعاندى وبلىسىنىڭ قۇسبەگىسى تاڭات وسپانقۇلوۆ باس جۇلدە الدى.

2-ورىنعا پاۆلودارلىق ەرمەك يمانزايىپ يە بولدى.

ال 3-ورىندى تۇركىستان وبلىسىنىڭ قۇسبەگىسى داۋرەن ارشاباي مەن قاراعاندىدىق تەمىرالى تولەگەن ۇلى ءوزارا ءبولىستى.

ۇلتتىق سپورتتىڭ بۇل ءتۇرى الداعى قىركۇيەكتە استانادا وتەتىن 5- دۇنيەجۇزىلىك كوشپەندىلەر ويىنىنىڭ سپورت باعدارلاماسىنا ەنگەن.

جالپى سايىسقا ەلىمىزدىڭ 12 وبلىسىنان 59 بۇركىت، 14 قارشىعا، 21 يتەلگى اكەلىنگەن.

چەمپيوناتقا ەلىمىزدىڭ 10 وبلىسىنان جانە 2 قالادان 100-گە جۋىق قۇسبەگى قاتىستى. تىركەۋدەن 61 بۇركىت، 21 قارشىعا، 14 يتەلگى ءوتتى.

جەڭىمپازدار ارنايى كۋبوك، ديپلوم، مەدالدارمەن جانە ءتۇرلى قارجىلاي سىيلىقتارمەن ماراپاتتالدى.

اۆتور

كۇنسۇلتان وتارباي