قۇرامىندا نيكوتينى بار ۆەيپ سۇيىقتارىن ساتقان ەلوردا تۇرعىنى سوتتالدى

استانا. KAZINFORM - سوت ۇكىمىمەن قالا تۇرعىنى قىلمىستىق كودەكستىڭ 214-بابىنىڭ 1-بولىگىمەن زاڭسىز كاسىپكەرلىك ءۇشىن 100 ساعاتقا ءماجبۇرلى ەڭبەككە تارتۋ ارقىلى، 1 جىلعا باس بوستاندىعىن شەكتەۋ جازاسىنا سوتتالدى. بۇل تۋرالى ق ر پروكۋراتۋراسى ءمالىم ەتتى.

- كىنالى تۇلعا قۇرامىندا نيكوتينى بار سۇيىقتىقتى ءوندىرۋ بويىنشا سەح ۇيىمداستىرىپ، زاڭسىز وندىرىلگەن ونىمدەردى ۆەيپ ساتۋمەن اينالىساتىن ءارتۇرلى دۇكەندەرگە جالپى سوماسى 64,4 ميلليون تەڭگەگە وتكىزگەن، - دەلىنگەن حابارلامادا.

ەلوردا پروكۋراتۋراسى كىنالى تۇلعادان مەملەكەت كىرىسىنە زاڭسىز جولمەن الىنعان كىرىستىڭ بارلىق سوماسىن ءوندىرۋ تۋرالى ازاماتتىق ارىز كەلتىرۋگە باستاماشىلىق ەتتى. سوت شەشىمىمەن قالا پروكۋرورىنىڭ تالاپ ارىزى قاناعاتتاندىرىلىپ، سوتتالۋشىدان زاڭسىز جولمەن الىنعان تابىس سوماسى تولىعىمەن ءوندىرىلدى. سوت اكتىسى زاڭدى كۇشىنە ەندى.

بۇعان دەيىن حابارلاگعانداي، اتىراۋدا دۇكەن قويماسىنان 40 ميلليون تەڭگەنىڭ 3 مىڭعا جۋىق ۆەيپ ءونىمى تاركىلەندى.