قۇمار ويىنعا تاۋەلدى ادامدار پسيحيكالىق دەنساۋلىق ورتالىقتارىنا ەسەپكە الىنۋى مۇمكىن
پسيحوبەلسەندى زاتتاردى ءبىر رەت پايدالانعانى انىقتالعان جانە قۇمار ويىندارعا پاتولوگيالىق تاۋەلدىلىكتىڭ دامۋ قاۋپى بار تۇرعىندار پسيحيكالىق دەنساۋلىق ورتالىقتارىنىڭ اقپاراتتىق جۇيەسىنە ەنگىزىلۋى مۇمكىن، دەپ حابارلايدى قازاقپارات ءتىلشىسى.

الماتىدا «مەنتالدى دەنساۋلىق، پسيحوالەۋمەتتىك اسپەكتىلەر» اتتى حالىقارالىق عىلىمي- پراكتيكالىق كونفەرەنسيا ءوتتى. جيىنعا 200-گە تارتا شەتەلدىك جانە ەلىمىزدىڭ باسقا وڭىرلەرىنىڭ پسيحيكالىق دەنساۋلىق ورتالىعىنىڭ كاسىبي ماماندارى قاتىستى.
قازاقستان، رەسەي، قىرعىزستان جانە تاجىكستاننىڭ پسيحياتريا، ناركولوگيا سالاسىنىڭ بىلىكتى ماماندارى پسيحولوگيالىق كومەك كورسەتۋ جانە دەرتتىڭ الدىن الۋ، وسى ۋاقىتقا دەيىن پسيحيكالىق ورتالىقتاردىڭ كومەگىنە جۇگىنۋدەن قورقاتىن، نامىستاناتىن كوپشىلىكتىڭ كوزقاراسىن وزگەرتۋ، جاڭا ادىستەردى ەنگىزۋ توڭىرەگىندە ءتۇرلى تاقىرىپتاردى تالقىلادى.
ءىس-ىارا بارىسىندا رەسپۋبليكالىق پسيحيكالىق دەنساۋلىق عىلىمي- پراكتيكالىق ورتالىعىنىڭ باس ديرەكتورى قۋانىش التىنبەكوۆ «پسيحوبەلسەندى زاتتاردى ءبىر رەت پايدالانعانى انىقتالعان ادامدار جانە قۇمار ويىندارعا پاتولوگيالىق تاۋەلدىلىكتىڭ دامۋ ءقاۋپى بار تۇرعىندار جايلى دەرەكتەردى پسيحيكالىق دەنساۋلىق ورتالىقتارىنىڭ اقپاراتتىق جۇيەسىنە ەنگىزە وتىرىپ، كونسۋلتاتسيالىق ەسەپكە الۋدى ۇسىندى.
«مۇنداي ەسەپكە الۋدىڭ ماقساتى - ادامدى جازالاۋ ەمەس، وعان كومەكتەسۋ جانە ول جايىندا قۇپيالىلىقتى ساقتاي وتىرىپ، كەڭەس بەرۋ، اقپاراتتىق كومەك جانە پسيحولوگيالىق قولداۋ كورسەتۋ»، - دەپ ءتۇسىندىردى قۋانىش التىنبەكوۆ.
سونداي- اق قۋانىش التىنبەكوۆ بۇگىنگى پسيحواكتيۆتى زاتتى قولدانۋ فاكتىسىن جانە ماس كۇيىن انىقتاۋ ءۇشىن مەديتسينالىق كۋالاندىرۋدى جۇرگىزۋ قاعيدالارىنا وزگەرىستەر ەنگىزۋ جوسپارلانىپ جاتقانىن جەتكىزدى.
قۇمار ويىنعا تاۋەلدى ادامدار پسيحيكالىق دەنساۋلىق ورتالىقتارىنا ەسەپكە الىنۋى مۇمكىن
رەسمي دەرەككە سايكەس، ەلىمىزدە 303284 ادام، حالىقتىڭ % 1,5- ى پسيحيكالىق دەنساۋلىق ورتالىقتارىندا ديناميكالىق باقىلاۋدا تۇرادى. ولاردىڭ % 64,4- ى (195299) پسيحيكالىق كەسەلمەن، % 35,6 (107985) ناركولوگيالىق دەرتپەن تىركەلگەن. دەگەنمەن ەلىمىزدىڭ باس پسيحياترىنىڭ ايتۋىنشا، ناۋقاستاردىڭ سانى رەسمي كورسەتكىشتەن كوبىرەك بولۋى مۇمكىن.
«الەمدە جاسىرىن ەسىرتكى تۇتىنۋ دەڭگەيىن انىقتاۋدىڭ ءارتۇرلى ادىستەرى قولدانىلادى. جۇيەلى تۇردە ەپيدەميولوگيالىق زەرتتەۋلەر جۇرگىزۋ ارقىلى ناقتى كورسەتكىشتى ايقىنداۋعا بولادى. پسيحياتريالىق، ناركولوگيالىق قىزمەتكە ستيگماتيزاتسيانىڭ جوعارى دەڭگەيدە بولۋى، كومەككە جۇگىنۋدىڭ ازدىعى، كوپتەگەن پاتسيەنتتىڭ ديناميكالىق ەسەپتە بولعىسى كەلمەۋىن ەسكەرە وتىرىپ، ءبىز ديناميكالىق باقىلاۋ ەرەجەلەرىن وڭتايلاندىرۋ پروتسەسىن باستادىق»، - دەپ اتاپ ءوتتى قۋانىش التىنبەكوۆ.
اۆتور
ەلميرا ورالبايەۆا