قۇجاتى جوق افريكالىقتار الماتىدا زاڭسىز جۇمىس ىستەپ جۇرگەن
الماتى. KAZINFORM - الماتى قالاسى كوشى-قون قىزمەتىنىڭ مالىمەتىنە سايكەس، افريكا ەلدەرىنىڭ ازاماتتارى قالانىڭ ءتۇرلى نىساندارىندا زاڭسىز جۇمىس ىستەگەن.

«قالانىڭ ورتالىق بولىگىندە جەرگىلىكتى رەيد جۇرگىزىلدى. بارلىعى 40 شەتەلدىك ۇستالدى، ونىڭ كوپشىلىگىندە جەكە باسىن راستايتىن قۇجاتتارى جوق. الدىن الا مالىمەت بويىنشا، ۇستالعاندار - كورشىلەس مەملەكەتتەردىڭ ازاماتتارى، سونداي-اق افريكا قۇرلىعىنداعى ەلدەردىڭ ازاماتتارى. ۇستالعانداردىڭ جەكە باسى تولىق انىقتالعانشا ولار قابىلداپ-تاراتۋ ورنىنا ورنالاستىرىلدى. ولارعا قاتىستى قازاقستان كوشى-قون زاڭناماسىن بۇزعانى تۋرالى ماتەريالدار جينالادى»، - دەدى الماتى قالالىق پ د كوشى-قون قىزمەتى باسقارماسىنىڭ باستىعى، پوليتسيا پولكوۆنيگى اسحات بۋتۋنچينوۆ.
ەسكە سالايىق، بۇعان دەيىن الماتىدا زاڭسىز جۇرگەن افريكا ازاماتتارى دەپورتاتسيالانعانىن جازعان ەدىك.
سونداي-اق الماتىدا زاڭسىز كۋرەرلىك قىزمەتپەن اينالىسىپ كەلگەن شەتەل ازاماتتارى ۇستالدى.
اۆتور
دوسبول اتاجان