قۇجاتتاردىڭ جارامدىلىق مەرزىمىن ۇزارتۋ اۆتوماتتى رەجيمگە اۋىستىرىلادى

استانا. KAZINFORM - جالپى رۇقسات بەرۋ قۇجاتتارىنىڭ بارلىق ءتۇرى پراكتيۆتى فورماتقا اۋىستىرىلۋى ءتيىس. بۇل تۋرالى ورتالىق كوممۋنيكاتسيالار الاڭىندا وتكەن بريفينگ بارىسىندا ق ر مەملەكەتتىك قىزمەت ىستەرى اگەنتتىگىنىڭ ءتوراعاسى سالاۋات مۇكسىموۆ مالىمدەدى.

- ياعني، قۇجاتتاردىڭ مەرزىمدەرىن ۇزارتۋعا ازاماتتاردان ءوتىنىم بەرۋدى كۇتپەي، ولاردى ۇزارتۋ اۆتوماتتى رەجيمدە ۇسىنىلاتىن بولادى. مىسالى، ناتوريالدىق-ادۆوكاتتىق جانە جەكە سوت ورىنداۋشىلاردىڭ قىزمەتىن جۇزەگە اسىرۋعا ارنالعان ليتسەنزيالار پرواكتيۆتى فورماتتا ۇسىنىلاتىن بولادى. ىشكى ىستەر مينيسترلىگىنىڭ جوسپارىنا سايكەس ازاماتتاردىڭ جەكە باسىن كۋالاندىراتىن قۇجاتتاردىڭ قولدانۋ مەرزىمى اياقتالاتىنى تۋرالى س م س حابارلاما سەرۆيسىن ازىرلەۋ كوزدەلگەن، - دەيدى سپيكەر.

ال، مەملكەتتىك قىزمەتتەردىڭ 15-كە جۋىعى كومپوزيتتىك فورماتقا اۋىستىرىلادى. جانە 18 قىزمەت ەكساۋماقتىق نەگىزدە، ياعني، تۇرعىلىقتى مەكەن جايىنا قاراماستان كورسەتىلەتىن بولادى.

- مىسالى جەر ۋچاسكىلەرىنىڭ بولىنەتىندىگى مەن بولىنبەيتىندىگىن ايقىنداۋ جونىندەگى قىزمەت وسىندا فورماتتا قولجەتىمدى بولادى. قورعانىس، اۋىلشارۋاشلىعى، مادەنيەت، ساۋدا، ونەركاسىپ جانە قۇرىلىس سالالارىندا 9 كوميسسيانىڭ قىزمەتى جويىلاتىن بولادى. تەك وسى جىلى وسى كوميسسيالارمەن 17 مىڭنان استام ءوتىنىم قارالدى. ولاردىڭ ءارقايسىسىنا ورتا ەسەپپەن 3 كۇن قاراستىرىلعانىن ەسكەرك، قىزمەتشىلەردىڭ وسى كوميسسيالاردى وتكىزۋگە جۇمسالاتىن ۋاقىتتارى ايتارلىقتاي قىسقارادى، - دەيدى سالاۋات مۇكسىموۆ.