وقۋشىلار قىسقى كانيكۋلدا قانشا كۇن دەمالادى

استانا. KAZINFORM - جەلتوقساننىڭ سوڭىندا مەكتەپ وقۋشىلارى ەكىنشى توقساندى اياقتاپ، قىسقى كانيكۋلعا شىعادى.

قازاقستاننىڭ 2024-2025 وقۋ جىلىنا ارنالعان دەمالىس كۇنتىزبەسى بويىنشا ەكىنشى توقساندا وقۋشىلار 8 اپتا وقيدى، قىسقى كانيكۋل 10 كۇنگە سوزىلادى، ياعني 2024 -جىلعى 30- جەلتوقساننان باستاپ 2025 -جىلعى 8 -قاڭتارعا دەيىن جالعاسادى. ال 1- سىنىپ وقۋشىلارىنا 2025 -جىلعى 10-16- اقپاندى قوسا العاندا، 7 كۇندىك قوسىمشا كانيكۋل بەرىلەدى.

ەڭ ۇزاق ءۇشىنشى توقساندا وقۋشىلار 10 اپتا وقيدى، كوكتەمگى كانيكۋل 2025 -جىلدىڭ 21-31 -ناۋرىزدى قوسا العاندا 11 كۇنگە سوزىلادى. ال ءتورتىنشى توقسان كۇنتىزبەگە سايكەس سەگىز وقۋ اپتاسىنان تۇرادى.

سونداي-اق كۇنتىزبە بويىنشا 9-10 -سىنىپ وقۋشىلارىنا ارنالعان قورىتىندى ەمتيحاندار 2025-جىلعى 29 -مامىر مەن 9 -ماۋسىم ارالىعىندا، 11-12- سىنىپ وقۋشىلارىنا ارنالعان ەمتيحاندار 30- مامىر مەن 12-ماۋسىم ارالىعىندا وتەدى.

ايتا كەتەيىك، 2025 -جىلعى 1-4- قاڭتار دەمالىس كۇندەرى بولىپ بەلگىلەندى. ەڭبەك جانە حالىقتى الەۋمەتتىك قورعاۋ مينيسترلىگىنىڭ 2025 -جىلدىڭ قاڭتارىنداعى دەمالىس كۇنىن اۋىستىرۋ تۋرالى بۇيرىعىمەن سىلتەمەگە ءوتىپ تانىسۋعا بولادى.

داۋلەت ىزتىلەۋ