قازگيدرومەت: وسكەمەندەگى جارىلىستان كەيىن اۋادا زياندى زاتتار كوبەيگەن

اۋا ساپاسىنا زەرتتەۋ جۇرگىزگەن «قازگيدرومەت» ماماندارى وسىنداي قورىتىندىعا كەلدى. ماماندار اۋاداعى لاستاۋشى زاتتاردىڭ قۇرامىن انىقتاۋ ءۇشىن كۇكىرت قىشقىلى، كۇكىرت سۋتەك، كۇكىرت ديوكسيدى، حلورسۋتەك، ازوت ديوكسيدى، ازوت وكسيدىنە سىنامالار العان.

«ءبىرىنشى نۇكتە - بەلينسكي كوشەسى، 3 مەكەنجايى بويىنشا جۇرگىزىلگەن تەكسەرىس ناتيجەسىندە حلورسۋتەك بويىنشا شەكتى رۇقسات ەتىلگەن مولشەردەن 1,8 ەسە ارتىق ەكەنى انىقتالدى. ەكىنشى نۇكتە - اسقار تاۋ كوشەسى، 11 مەكەنجايىندا كۇكىرت سۋتەك شەكتى رۇقسات ەتىلگەن مولشەردەن- 1,7 ەسەگە، ال كومىرتەك توتىعى - 3,6 ەسەگە اسىپ كەتكەن. ءۇشىنشى نۇكتە - شيروكايا كوشەسى، 16 مەكەنجايىندا تىكەلەي ولشەۋ ءادىسى بويىنشا شەكتى مولشەردەن اسۋ فاكتىلەرى تىركەلگەن جوق»، - دەپ جازىلعان زەرتتەۋ ناتيجەسىندە.

وسكەمەندەگى زاۋىتتا جارىلىس بولعاننان كەيىن، شىعىس قازاقستان وبلىسى ەكولوگيا دەپارتامەنتىنىڭ ماماندارى اۋا ساپاسىن زەرتتەۋگە كىرىسكەنىن حابارلاعان.