«قازمۇنايگاز» ەل ۇكىمەتىنە مەتالدان قۇيىلعان سۋ قۇبىرلارىن پوليمەرگە اۋىستىرۋدى ۇسىندى

استانا. KAZINFORM - «قازمۇنايگاز» ۇلتتىق كومپانياسى باسقارما ءتوراعاسىنىڭ ورىنباسارى اسەت ماعاۋوۆ ۇكىمەتكە قۇيىلعان سۋ قۇبىرلارىنىڭ ءبارىن پوليمەرگە اۋىستىرۋدى ۇسىندى.

- پلاستماسسا ونىمدەرىن ءوندىرۋ بويىنشا ىشكى نارىقتى ىنتالاندىرۋ - مۇناي- گاز حيمياسىن ودان ءارى دامىتۋدىڭ نەگىزگى ماسەلەلەرىنىڭ ءبىرى بولىپ ەسەپتەلەدى. ويتكەنى مۇناي ونىمدەرىنىڭ يمپورتى 2024 -جىلى 3,4 ميلليارد دوللار بولدى. «قازمۇنايگاز» جانىنان ىشكى نارىق پەن پوليمەر ماتەريالداردىڭ قولدانىسىن كەڭەيتۋ جونىندەگى جوبالىق كەڭسە قۇرىلدى. بۇگىنگى تاڭدا باسقا ەلدەردەن سەرتيفيكاتتالماعان، شيكىزاتتىڭ شىعارىلعان جەرى كورسەتىلمەگەن پوليمەر ونىمدەردىڭ اكەلىنىپ جاتقانى بايقالادى، - دەدى اسەت ماعاۋوۆ ۇكىمەت وتىرىسىندا.

سونداي-اق، ول ەل ەكونوميكاسىندا زاماناۋي پوليمەر ءالى دە بولسا سيرەك قولدانىلاتىنىن اتاپ ءوتتى.

- بۇعان قوسا، ەكونوميكا سالالارىندا ءالى دە ءداستۇرلى ماتەريالدار قولدانىلىپ كەلەدى. بۇل رەتتە جوعارى سەنىمدىلىگىمەن، توزىمدىلىگىمەن ءارى يكەمدىلىگىمەن ەرەكشەلەنەتىن زاماناۋي پوليمەرگە اۋىساتىن ۋاقىت كەلدى جانە وعان وبەكتيۆتى نەگىز بار. مىسالى، سۋ قۇبىرلارىن مەتالدان پوليمەرلەرگە اۋىستىرۋعا بولادى، - دەدى «قازمۇنايگاز» وكىلى.

سونداي-اق، ول مۇناي باعاسى بيىل 65 دوللار دەڭگەيىندە ساقتالۋى مۇمكىن دەگەن بولجام ايتتى.

اۆتور

ەسىمجان ناقتىباي