قازكوممەرس بانكتەگى جىمقىرۋ: 44,5 ميلليارد تەڭگەنىڭ مۇلكى تاركىلەندى

الماتى. KAZINFORM – ق م ا الماتى قالاسى بويىنشا دەپارتامەنتى مەن قالا پروكۋراتۋراسى اقشا ۇرلاۋ فاكتىسى بويىنشا «قازكوممەرس بانك» ا ق- نا قاتىستى قىلمىستىق ءىس شەڭبەرىندە پاراللەلدى قارجىلىق تەرگەۋ جۇرگىزىپ، ءبىرقاتار مۇلىكتى تاركىلەدى.

سوتتىڭ سانكسياسىمەن كۇدىكتىلەردىڭ جالپى سوماسى 44,5 ميلليارد تەڭگە بولاتىن 300 گەكتارعا جۋىق جەر ۋچاسكەسى مەن اۆتوكولىكتەرىنە ارەست قويىلدى.

كەلگەن زالالدى وتەۋ ماقساتىندا ق ر ق پ ك 667، 668-باپتارىنىڭ تارتىبىمەن ىزدەۋ جاريالانعان تۇلعالاردىڭ قىلمىستىق جولمەن وندىرىلگەن مۇلكىن سوتقا دەيىنگى تاركىلەۋ كوزدەلگەن.

سوت شەشىمىمەن مۇلىك الماتى قالاسى اكىمدىگىنىڭ بالانسىنا قويۋ ارقىلى مەملەكەت كىرىسىنە اينالدى.

قازىرگى ۋاقىتتا اتالعان اكتيۆتەر مەملەكەت مەنشىگىنە بەرىلدى، ال تاركىلەنۋگە جاتاتىن وزگە دە مۇلىكتى ىزدەۋ جالعاسىپ جاتىر.

اۆتور

جانات قاپالبايەۆا