قازاقتىڭ تاباق تارتۋ ءداستۇرى

استانا. قازاقپارات - اتا-بابالارىمىز تاباق تارتۋعا اسا ءمان بەرگەن.ءار قوناقتىڭ تاباعىنا كادەلى مۇشەلەرىنىڭ سالىنۋىنا نازار اۋدارعان.

Бешбармак Бешбармақ Бесбармақ
Фото: Kazinform

وسى ورايدا ءبىز بۇگىن تاباق تارتۋدىڭ رەتىن نازارلارىڭىزعا ۇسىنىپ وتىرمىز.

باس تاباق

باس تاباققا باس، جامباس، ومىرتقا، قازى-قارتا، جال، جايا، سياقتى كادەلى مۇشەلەر سالىنادى.

باستى قوناقتىڭ ەڭ جاسى ۇلكەنى نەمەسە ونىڭ ۇسىنۋى بويىنشا باسقا ءبىر بەدەلدى كىسى ۇستايدى.

سىي تاباق

سىي تاباق نەگىزىنەن قۇدالىق ءراسىم كەزىندە تارتىلادى.

باس، جامباس، باسقا دا كادەلى مۇشەلەر قوناقتىڭ جاسىنا، تۋىستىق قاتىناسىنا قاراي سالىنادى.

ورتا تاباق

ورتا تاباققا اسىقتى جىلىك، ورتان جىلىك، كەيدە جامباس تا تۇسەدى.

اياق تاباق

اياق تاباققا كارى جىلىك، جاۋىرىن، كۇڭ جىلىك سياقتى ەتتىڭ باسقا دا مۇشەلەرى سالىنىپ، اۋىل ادامدارىنا قويىلادى.

كۇيەۋ تاباق

كۇيەۋ تاباققا ءبىر سان جىلىك (اسىقتى جىلىك) پەن ءتوس سالىنادى.

كەلىن تاباق

كەلىن تاباققا ۇلتابار جانە جۇرەك سالىنادى.

قىزدار تاباعى

قىزدار تاباعىنا جۇرەك، بۇيرەك سالىنادى.

قۇداعيلار تاباعى

جامباس نەمەسە اسىق جىلىك پەن سۇبە، جاق قۇداعيلار تاباعىنا سالىناتىن نەگىزگى مۇشەلەر.

«الاش ايناسى»

سوڭعى جاڭالىقتار