قازاقستاندىق «راحات» شوكولادى تاعى ءۇش ەلدە ساتىلاتىن بولادى

الماتى مەن شىمكەنتتە كونديتەرلىك فابريكالارى بار LOTTE Rakhat كومپانياسى شەتەلدەگى نارىقتاعى ۇلەسىن كەڭەيتۋدى جوسپارلاپ وتىر. اتاپ ايتقاندا، ونىمدەرىن وڭتۇستىك-شىعىس ازيا ەلدەرىنە - تايلاند، وڭتۇستىك كورەيا جانە يندونەزياعا ەكسپورتتاۋ كوزدەلگەن. قازىر كومپانيا ونىمدەرىنىڭ شامامەن %22- ى ەكسپورتقا شىعارىلادى. ونىڭ ۇشتەن ەكىسى رەسەيگە جونەلتىلەدى.

 سونىمەن قاتار «راحات» شوكولادتارى مەن كونديتەرلىك ونىمدەرى قىتاي، گەرمانيا، موڭعوليا، ورتالىق ازيا ەلدەرى جانە باسقا دا مەملەكەتتەردە ساتىلادى. بيىل كومپانيا العاش رەت لاتۆيا نارىعىنا شىققان. قازىر كاسىپورىننىڭ جىلدىق وندىرىستىك قۋاتى 100 مىڭ توننادان اسادى. كومپانيا 500-دەن استام ءتۇرلى كونديتەرلىك ءونىم شىعارادى. ونىڭ ىشىندە شوكولادتىڭ 80-نەن استام ءتۇرى بار. كاسىپورىن سونداي- اق ISO حالىقارالىق ستاندارتتارىنا، HACCP جۇيەسىنە جانە Halal تالاپتارىنا سايكەس سەرتيفيكاتتالعان. بۇل جاڭا شەتەلدىك نارىقتارعا شىعۋ ءۇشىن قوسىمشا مۇمكىندىكتەر بەرەدى. سوڭعى جىلدارى كاسىپورىن ءوندىرىستى جاڭعىرتۋعا شامامەن 19,4 ميلليارد تەڭگە ينۆەستيتسيا سالعان. ونىڭ 7,1 ميلليارد تەڭگەسى شىمكەنتتەگى زاۋىتتى دامىتۋعا باعىتتالعان.