قازاقستاننىڭ كەي وڭىرلەرىندە جول جاعدايى كۇردەلەنۋى مۇمكىن
استانا. KAZINFORM - الماتى مەن شىعىس قازاقستان باعىتىندا ساپارعا شىعاتىن جۇرگىزۋشىلەردى اۋا رايىنىڭ قولايسىزدىعىنا بايلانىستى ساقتىققا شاقىردى. بۇل تۋرالى قازاۆتوجول كومپانياسى ءمالىم ەتتى.
بۇگىن الماتى جانە شىعىس قازاقستان وبلىستارىندا قار ارالاس جاڭبىر جاۋىپ، كەي جەرلەردە قار كۇتىلەدى.
وسىعان بايلانىستى رەسپۋبليكالىق اۆتوجولداردىڭ جەكەلەگەن بولىكتەرىندە كورىنۋ قاشىقتىعى تومەندەپ، جول بەتى تايعاق بولۋى مۇمكىن.
— جۇرگىزۋشىلەرگە اۋا رايىن ەسكەرىپ، قاۋىپسىز اراقاشىقتىقتى ساقتاۋدى، جول جاعدايىنا قاراي جىلدامدىقتى تاڭداۋدى جانە وقىس مانيەۆر جاساماۋدى ۇسىنامىز، — دەپ ەسكەرتتى كومپانيادان.
ەسكە سالا كەتەيىك، قازگيدرومەت 2-قاراشادا اۋا رايىنىڭ ءقاۋىپتى قۇبىلىستارىنا بايلانىستى ەسكەرتۋ جاريالاعان بولاتىن.
