قازاقستاننىڭ كارتوگرافيالىق دەرەكتەرى Qajet تاكسي سەرۆيسىنە كىرىكتىرىلەدى

استانا. قازاقپارات - ەلىمىزدىڭ كارتوگرافيالىق دەرەكتەرى مەن گەوسەرۆيستەرى Qajet تاكسي شاقىرۋ سەرۆيسىنە كىرىكتىرىلەدى. ماقسات - وتاندىق ناۆيگاتسيالىق تەحنولوگيالاردى دامىتۋ، دەپ حابارلايدى 24KZ.

п
Фото: Кабар

 ماسەلە پرەمەر-ءمينيستردىڭ ورىنباسارى، جاساندى ينتەللەكت جانە سيفرلىق دامۋ ءمينيسترى جاسلان ماديەۆتىڭ توراعالىعىمەن وتكەن جۇمىس توبىنىڭ وتىرىسىندا قارالدى. بۇگىندە قازگەودەزيا ورتالىعىنىڭ سيفرلىق كارتالارىن كوممەرتسيالىق سەرۆيستە دە پايدالانۋ مۇمكىندىگى پىسىقتالىپ جاتىر. ناتيجەسىندە مەكەنجايلاردى ىزدەۋ جانە قوزعالىس باعىتتارىن قۇرۋ مۇمكىندىكتەرى كەڭەيىپ، نىسانداردىڭ ورنالاسقان جەرىن ءدال انىقتاۋ تيىمدىلىگى ارتادى.

Qajet Taxi — قازاقستاندا 2026 -جىلدىڭ قازان ايىندا ىسكە قوسىلعان وتاندىق تاكسي شاقىرۋ سەرۆيسى.

Qajet Taxi قازىرگى تاڭدا قازاقستاننىڭ 36 قالاسى مەن ءوڭىرىن قامتيدى جانە 300000-نان استام قولدانۋشى جيناعان، ال جوبانىڭ نەگىزىن قالاۋشىلار — كاسىپكەرلەر دۋمان باقىتكەلدى مەن نۇرقانات قايرات.

قامتۋ دەڭگەيى مەن كورسەتكىشتەرى

 گەوگرافيالىق قامتۋ: قوسىمشا ەل بويىنشا 36 قالا مەن وڭىردە (سونىڭ ىشىندە استانا، الماتى جانە وبلىس ورتالىقتارىندا) قولجەتىمدى. ىسكە قوسىلعان العاشقى كۇنى 70000 رەت جۇكتەلىپ، ءبىرىنشى اپتادا 300000 قولدانۋشىعا جەتكەن. ۇيىمداستىرۋشىلاردىڭ ماقساتى -جاڭا جىلعا دەيىن 1,5 ميلليون قولدانۋشى تارتۋ.

سەرۆيس App Store جانە Google Play دۇكەندەرىندە جۇمىس ىستەپ تۇر. جۇرگىزۋشىلەردەن ازىرگە %0 كوميسسيا الىنادى. 

 جوبا اۆتورلارى - ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇلەكتەرى. ولاردىڭ ايتۋىنشا، جوبانىڭ باستى ميسسياسى — قازاقستان ازاماتتارىنىڭ دەرەكتەرى مەن تابىسىن ەل ىشىندە ساقتاۋ جانە وتاندىق سيفرلىق ەكونوميكانى دامىتۋ.