قازاقستاننىڭ ۇسىنىسى بويىنشا ش ى ۇ قىزمەتىن جەتىلدىرۋ پروتسەسى باستالدى - مەملەكەت باسشىسى

Тоқаев
Фото: Ақорда матбуот хизмати

استانا. KAZINFORM - قاسىم-جومارت توقايەۆ قاقتىعىستارمەن جانە لاڭكەستىك ارەكەتتەردىڭ بەلەڭ الۋىمەن قاتار، كليمات داعدارىسى، ازىق-تۇلىك، سۋ، كولىك جانە ەنەرگەتيكالىق قاۋىپسىزدىك سالالارىندا سىن-قاتەرلەر بايقالاتىنىنا نازار اۋداردى. بۇل تۋرالى Akorda.kz حابارلادى.

- ش ى ۇ زاماناۋي سىن-قاتەرلەر مەن قاۋىپتەرگە قارسى قولداناتىن ءادىس-تاسىلدەرىن كۇشەيتۋى قاجەت. بۇل باعىتتا بەلسەندى ءارى مەيلىنشە ناتيجەلى جۇمىس جۇرگىزىلىپ جاتىر. باستاپقى كەزەڭدە قازاقستاننىڭ ۇسىنىسى بويىنشا ش ى ۇ قىزمەتىن جەتىلدىرۋ پروتسەسى باستالدى. ۇيىمنىڭ الەۋەتىن وڭىرلىك جانە حالىقارالىق قاۋىپسىزدىكتىڭ پارمەندى قۇرالى رەتىندە پايدالانۋ كەرەك. بۇل ماقساتقا جەتۋ ءۇشىن قاۋىپسىزدىك كەڭەستەرى حاتشىلارىنىڭ كەزدەسۋلەرى ماڭىزدى ءرول اتقارادى. سىزدەر ۇلتتىق قاۋىپسىزدىكتىڭ ءارتۇرلى باعىتىنا جەتەكشىلىك ەتەسىزدەر. قازىر سىن-قاتەرلەر مەن قاۋىپتەرگە قارسى كۇرەسۋ ءۇشىن ءبىرتۇتاس ءارى بىرىككەن جۇمىس ءتاسىلى وتە ماڭىزدى، - دەدى پرەزيدەنت.

Kazakh President
Photo credit: akorda.kz

مەملەكەت باسشىسى ش ى ۇ- عا مۇشە ەلدەردىڭ ۇلتتىق قاۋىپسىزدىگىن قامتاماسىز ەتۋ ءۇشىن قاۋىپسىزدىك كەڭەستەرىنىڭ حاتشىلارى ۇيلەسىمدى جۇمىس ىستەۋى قاجەت ەكەنىن اتاپ ءوتتى.

- وكىنىشكە قاراي الەمدەگى جاعداي جاقىن ارادا جاقسارا قويمايتىن سياقتى. ەلدەرىمىزدىڭ ۇلتتىق قاۋىپسىزدىگىنە تونەتىن سىن-قاتەر ءالى دە بار دەسەك، ارتىق ايتقاندىق ەمەس. بۇل مەملەكەتتەرىمىزدىڭ شاڭحاي ىنتىماقتاستىق ۇيىمى اياسىندا بىرىگۋى قاجەت ەكەنىن كورسەتەدى. سول ارقىلى سىرتتان كەلەتىن بارلىق قاۋىپتى تويتارۋعا جانە جويۋعا باعىتتالعان بىرلەسكەن كۇش-جىگەر مەن ناقتى شارالار قابىلدايمىز. سوندىقتان ءبىز شاڭحاي ىنتىماقتاستىق ۇيىمىنىڭ قىزمەتىنە بۇرىن دا، قازىر دە باسا نازار اۋدارامىز، - دەدى قاسىم- جومارت توقايەۆ.

پرەزيدەنت قاسىم-جومارت توقايەۆ ۇيىمنىڭ كەزىندە وڭىردەگى تۇراقتىلىق پەن قاۋىپسىزدىكتى قامتاماسىز ەتۋ، «ءۇش زۇلىم كۇشكە» بىرىگىپ قارسى تۇرۋ ماقساتىندا قۇرىلعانىن ەسكە سالدى.

- بۇگىندە مۇنداي قاتەرلەردىڭ سەيىلمەگەنى ءوز الدىنا، ولار تۇرلەنىپ، بۇرىنعىدان بەتەر قاۋىپتى بولا ءتۇستى. ءوز كەزەگىندە، ءبىزدىڭ تاراپىمىزدان اناعۇرلىم جۇيەلى ءارى باتىل شارالار قابىلداۋ قاجەت. مەملەكەتتەرىمىزدىڭ شىرقىن بۇزاتىن تەرروريزم، ەكسترەميزم جانە سەپاراتيزم ارەكەتتەرىنىڭ بەلەڭ الۋىنا جول بەرۋگە بولمايدى. «ءۇش زۇلىم كۇشكە»، سونداي- اق ترانسۇلتتىق ۇيىمداسقان قىلمىسقا، زاڭسىز ەسىرتكى اينالىمىنا جانە كيبەرقاۋىپسىزدىك سىن- قاتەرلەرىنە قارسى كۇرەس قازاقستاننىڭ ش ى ۇ- عا ءتوراعالىق ەتۋ كەزەڭىندەگى ەڭ باستى باسىمدىقتاردىڭ ءبىرى سانالادى، - دەدى پرەزيدەنت.

مەملەكەت باسشىسىنىڭ پايىمداۋىنشا، تەرروريزمگە، سەپاراتيزمگە جانە ەكسترەميزمگە قارسى ءىس-قيمىل جونىندەگى 2025-2027 -جىلدارعا ارنالعان ىنتىماقتاستىق باعدارلاماسىن قابىلداۋ كەرەك. سونىمەن قاتار پرەزيدەنت ش ى ۇ- نىڭ ەسىرتكىگە قارسى 2024-2029 -جىلدارعا ارنالعان ستراتەگياسىن جانە ونى جۇزەگە اسىرۋ جونىندەگى ءىس- قيمىل باعدارلاماسىن قابىلداۋ ماڭىزدى ەكەنىنە توقتالدى.

- ش ى ۇ - جاڭارىپ كەلە جاتقان حالىقارالىق قاۋىپسىزدىك ارحيتەكتۋراسى نەگىزدەرىنىڭ ءبىرى. سوندىقتان ءبىزدىڭ ۇيىم وڭىردەگى تۇراقتىلىق پەن قاۋىپسىزدىكتى قامتاماسىز ەتۋدى كوزدەيتىن ءوزارا كەلىسىلگەن ءارى ناقتى قادامداردىڭ ۇلگىسىن كورسەتۋگە ءتيىس، - دەدى قاسىم-جومارت توقايەۆ.

اۆتور

ەلميرا ورالبايەۆا

سوڭعى جاڭالىقتار