قازاقستاننىڭ كانادالىق ۋران كومپانياسىنىڭ الدىندا ەشقانداي مىندەتتەمەسى جوق - ادىلەت مينيسترلىگى
استانا. KAZINFORM - قازاقستاننىڭ كانادالىق «World Wide Minerals» ۋران كومپانياسىنىڭ الدىندا ەشقانداي مىندەتتەمەسى جوق. بۇل تۋرالى ورتالىق كوممۋنيكاتسيالار قىزمەتىندەگى بريفينگتە ادىلەت مينيسترلىگىنىڭ رەسمي وكىلى تالعات ءۋالي ايتتى.
- 2025 -جىلعى 28-اقپاندا «World Wide Minerals» كانادالىق ۋران كومپانياسىنىڭ قازاقستان رەسپۋبليكاسىنا قارسى تالاپ قويۋى بويىنشا 2013 -جىلدان بەرى جالعاسىپ كەلە جاتقان داۋ ناتيجەسىندە لوندوننىڭ جوعارعى سوتى قازاقستان رەسپۋبليكاسى ءۇشىن وڭ شەشىم شىعاردى. ول بويىنشا رەسپۋبليكا تالاپ يەلەرىنە شامامەن 65 ميلليون ا ق ش دوللارىن تولەۋگە ءتيىس بولاتىن 2024 -جىلعى قابىلدانعان شەشىمنىڭ كۇشى جويىلدى، - دەدى تالعات ءۋالي.
ونىڭ اتاپ وتۋىنشە، WWM تالاپتارى ق ر ۇكىمەتىنىڭ 1997 -جىلى ۋران ەكسپورتىنا ليتسەنزيا بەرۋدەن باس تارتۋىنا جانە تىڭ تاۋ-كەن حيميا كومبيناتىن (قازىرگى ستەپنوگورسك تاۋ- حيميا كومبيناتى) سەنىمگەرلىك باسقارۋ كەلىسىمشارتىن بۇزۋىنا نەگىزدەلدى.
- 2025 -جىلعى شەشىمگە سايكەس قازاقستان رەسپۋبليكاسىنىڭ WWM الدىندا ەشقانداي مىندەتتەمەسى جوق. ايتا كەتۋ كەرەك، اعىلشىن سوتىندا شاعىمدانۋ ستاندارتتارى وتە جوعارى جانە وسى نەگىزدەگى داۋلاردىڭ 2 پايىزدان ازى عانا قايتا قارالىپ كەرى شەشىم شىعارىلادى. وسىلايشا، ادىلەت مينيسترلىگىنىڭ، مەملەكەتتىك ورگانداردىڭ جانە ۇكىمەت كونسۋلتانتىنىڭ ۇيلەسىمدى جۇمىسىنىڭ ارقاسىندا ەلەۋلى بيۋدجەت قاراجاتىن ۇنەمدەۋگە، سونداي- اق ەلدەگى ينۆەستيتسيالىق احۋالدىڭ تارتىمدىلىعىن جانە قازاقستان رەسپۋبليكاسىنىڭ حالىقارالىق ارەناداعى يميدجىن ساقتاۋعا مۇمكىندىك تۋدى، - دەدى ول.
2020 -جىلى 23 -قاراشادا انگليانىڭ جوعارى سوتى قازاقستان رەسپۋبليكاسىنا قارسى «World Wide Minerals» كانادالىق كومپانيانىڭ جانە پول ا. كەروللدىڭ تالابى بويىنشا وسىدان بۇرىن شىعارىلعان تورەلىك شەشىمنىڭ (سونىڭ ىشىندە زالال، پايىزدار جانە سومالار بويىنشا مانىنە قاتىستى) كۇشىن جويعان ەدى.
اۆتور
مارلان جيەمباي
